Спорт

Эдуард Николаев экипажы "Дакар-2018" узышларында лидерлыгын ныгытты

"КАМАЗ-мастер" узышчысы ралли-марафонның бишенче этабында җиңүче булды.
11.01 07:47

(Казан, 11 гыйнвар, “Татар-информ”, Фәрит Салихов). “КАМАЗ-мастер” командасының Эдуард Николаев җитәкләгән экипажы”Дакар-2018” ралли-марафонының бишенче этабында йөк машиналары арасында җиңү яулады.

Перу территориясе аша узган 268 чакрым озынлыктагы махсус участокны Чаллының әлеге узышчылары 3 сәгать 37 минут 12 секунд эчендә уза алды. Финишка икенче булып килгән Сергей Вязович (“МАЗ-спорт”, Белоруссия), мәсәлән, Эдуард Николаев экипажыннан 6 минут 23 секундка калышты. Өченче урынны “Ивеко”да Голландия узышчысы Тон ван Генугтен яулады (+12.57).

Шунысы игътибарга лаек: бишенче этап башында Эдуард Николаев машинасы комлыкта яны белән ава. Шул сәбәпле баштарак алар лидерга 16 минут чамасы оттырып та барган була.

Әлеге этапта “КАМАЗ-мастер”ның Дмитрий Сотников экипажы – дүртенче (+13.23), Айрат Мәрдиев – сигезенче (+23.27), Антон Шибалов (+1:03.18) 13 нче урында килә.

Йөк машиналары арасында Эдуард Николаев экипажы лидерлыгын ныгытты:

1. Эдуард Николаев (Россия, “КамАЗ”) 15:59.39
2. Федерико Вильягра (Аргентина, “Ивеко”) +58.05
3. Сергей Вязович (Белоруссия, “МАЗ-спорт”) +2:28.46
...6. Дмитрий Сотников (Россия, “КамАЗ”) +4:11.0
7. Айрат Мәрдиев (Россия, “КамАЗ”) +4:31.15
...13. Антон Шибалов (Россия, “КамАЗ”) +6:57.50. 

КӨН ҮЗӘГЕНДӘ

20 июльнең төп вакыйгалары - фото һәм сылтамалар

В.Путин пенсия яшен арттыруны ошатмый, Р.Миңнеханов Х.Биктиевны “Дуслык” ордены белән бүләкләде, В.Шәйхразиев кабат Милли Шура рәисе итеп сайланды.

Рөстәм Миңнеханов Путинга Универсиаданың спорт мирасын куллану турында сөйләде

Казан спорт объектлары чыгымнарының бер өлешен шәхси инвестицияләр каплый.

Рөстәм Миңнеханов Хәким Биктиевны “Дуслык” ордены белән бүләкләде

Казанда татар дин әһелләре форумында Калининградта мөселман җәмгыятенә нигез салучыга орден тапшырдылар.

Энгель Фәттахов Бөтендөнья татар конгрессының Милли Шурасы составыннан чыгарылды

Бөтендөнья татар конгрессының чираттан тыш съездында Э.Фәттахов урынына Мәгариф һәм фән министры Рафис Борһановны сайладылар.

Ринат Закиров Милли Шура рәисенең ни өчен кабат сайлануын аңлатты

Бөтендөнья татар конгрессы Башкарма комитеты рәисе әйтүенчә, уставта төгәлсезлекләр булган.