Мәдәният, Татар дөньясы

Казанда Әлифба китабы сурәтләнгән түштамгалар чыкты

Сөембикә манарасы, Кол Шәриф мәчете, Камал театры һәм Әлифба китабы сурәтләре төшерелгән түштамгаларны шәһәр халкы яратып ала, ди сатучылар.
11.01 13:38

(Казан,11 гыйнвар, “Татар-информ”, Мөршидә Кыямова). Казанда истәлекле биналар сурәте төшерелгән бәләкәй түштамгалар (значоклар) ясый башладылар. Декабрь аенда гына сатуга чыккан әлеге сувенир продукциясен дизайнер Гүзәл Гыйльметдинова тәкъдим итә. “Татар-информ” мәгълүмат агентлыгына хәбәр иткәнчә, Гүзәл татарларга якын булган истәлекле урыннарны шулай чагылдырырга уйлаган һәм идеясен тормышка да ашырган.

“Татарстан һәм Казанның гаҗәеп гүзәл истәлекле биналары бихисап, - ди Гүзәл Гыйльметдинова. - Соңгы елларда Татарстанга туристлар агымы да көчәйде. Шуңа күрә, дизайнер буларак, мин сувенирларымны аларга дип тәгаенләгән идем. Ләкин түштамгалар Казан халкы арасында да популярлашып китте. Бу күренеш мине сөендерә. Татар теленә һөҗүм башлангач, Әлифба китабы төшерелгән түштамга да ясадык. Мин, татар дизайнеры буларак, әлеге вакыйгаларга карата үз сүземне әйтергә тиеш идем. Бу сувенир бигрәк тә яшьләрдә кызыксыну уятты. Рухланып китеп, башка идеяләрем туды. Тиздән җәй айлары җитә, димәк, Сабан туе бәйрәменә дә сувенирлар кирәк булачак. Татарның милли уеннарын чагылдырган түштамгалар эшләргә исәп тотам”.

Гүзәл Гыйльметдинова “Татар-информ” хәбәрчесе белән әңгәмәсендә якын көннәрдә М.Җәлил һәйкәле, “Ак Барс” хокей командаларын сүрәтләгән түштамгалар чыгачагын да хәбәр итте.

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.