Дин

“Гаилә” мәчетендә татар теле дәресләре укытыла

Мәчеткә тел өйрәнергә күбрәк ир-атлар йөри, ди “Гаилә” мәчетенең матбугат хезмәткәре Илмир Хәбибуллин.
11.01 15:07

(Казан, 11 гыйнвар, “Татар-информ”, Мөршидә Кыямова). Казанның “Гаилә” мәчетендә татар теле дәресләре узган ел укытыла башлады. Ана телен өйрәнергә күбрәк ир-атлар теләк белдергән. Бу хакта “Татар-информ” хәбәрчесенә “Гаилә” мәчетенең матбугат хезмәткәре Илмир Хәбибуллин хәбәр итте.

"Татар теле дәресләрен узган елда башлап җибәрдек, - ди Илмир Хәбибуллин. - Әлегә атнага бер тапкыр, чәр чәршәмбе кичке  17:00 сәгатьтә уздырыла. Әлеге бер генә төркем тупланды. Киләчәктә татар телен өйрәнүчеләр күбәер, дип уйлыйбыз. Татар теле дәресләрен Булат  Мәрданов алып бара.  2 февральдән Диния нәзарәте билгеләгән программа буенча атнага 3 тапкыр уздыра башларга ниятлибез. Тел өйрәнергә теләүчеләрнең күбесе урта яшьтә. Шунысы игътибарга лаек: ана телен күбрәк ирләр өйрәнергә тели. Араларында бөтенләй татар телен белмәүчеләр дә бар".

Исегезгә төшереп узабыз: 2 февральдән Татарстан мөселманнары Диния нәзарәте республикабызның ун мәчетендә “Без – татарлар” дип исемләнгән курслар башлый. Курслар татар телен өйрәнү максатыннан оештырыла. Дәресләр Казанның биш мәчетендә – “Кабан арты”, “Гаилә”, “Тынычлык”, “Әниләр”, “Ярдәм”дә, шулай ук 5 район мәчетендә – Әлмәт, Яшел үзән, Чаллы, Түбән Кама, Алабуга шәһәрләрендә оештырыла. Курслар атнасына өч көн – дүшәмбе, чәршәмбе, җомга көннәрендә кичке җидедән тугызга кадәр ике дәрес итеп укытылачак: татар теле, татар тарихы һәм ислам дине нигезләре. Дәресләрне татар филологиясе буенча дипломга ия булган белгечләр алып бара, ислам дине нигезләрен мәчет хезмәткәрләре үткәрә.

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.