Татар дөньясы

Ш.Мәрҗани елы уңаеннан оештырылган беренче чара Милли музейда узачак

Күргәзмәдә моңарчы күрсәтелмәгән тарихи документлар да тәкъдим ителәчәк, ди проект авторлары.
11.01 17:33

(Казан, 11 гыйнвар, “Татар-информ”, Мөршидә Кыямова). 16 гыйнварда 14:00 сәгатьтә Татарстан Милли музеенда “Шиһабетдин Мәрҗани һәм аның мирасы” дигән күргәзмә ачыла. Бу хакта “Татар-информ” хәбәрчесенә Милли музейның матбугат үзәге җитәкчесе Руфия Мөхетдинова хәбәр итте.

Быел Ш.Мәрҗанинең тууына 200 ел була. Ш.Мәрҗани юбилее уңаеннан чаралар оештыру буенча Татарстан Президентының махсус Указы да чыкты.

Татарстан Милли музее мәгърифәтчегә багышланган проектларны башлап җибәрә. Шиһабетдин Мәрҗани – энциклопедик галим, күпкырлы шәхес. Ул, татар, төрки телләреннән тыш, гарәп, фарсы телләрен камил белгән. Аның гыйльми эшчәнлеге күптармаклы: тарих, фәлсәфә, филология, археология, нумизматика, этнография, география, халык иҗаты һ.б. Мәрҗанинең утыздан артык хезмәт язуы мәгълүм. “Мөстәфадел-әхбар фи әхвали Казан вә Болгар” (“Казан һәм Болгар хәлләре турында файдаланылган хәбәрләр”) – Мәрҗанинең татар тарихын чагылдырган иң танылган әсәре. Кыскартылган һәм хәзерге телгә тәрҗемә ителгән тексты 1989 елда басылып чыга.

“Шиһабетдин Мәрҗани һәм аның мирасы” дип аталган күргәзмәдә Татарстан Милли музее фондларында сакланган экспонатлар урын алачак. Галимнең юл сандыгы, китапханәсендәге китаплар, шулай ук 1874 елгы фотографиясе, 1864-1865 елларда Истанбулда эшләнгән шәхси мөһере (печать) дә музей кунакларында зур кызыксыну уятыр, ди проект авторлары.

Шулай ук күргәзмәгә Татарстан дәүләт архивында саклана торган кайбер документлар беренче тапкыр киң җәмәгатьчелеккә тәкъдим ителә. Алар Ш.Мәрҗанинең Искеташ мәчеттә һәм Казан татар укытучылары мәктәбендә эшләгәнлеген чагылдыра.

Исегезгә төшерәбез, "Шиһабетдин Мәрҗани һәм аның мирасы" дип аталган күргәзмә Милли музейда 16 гыйнвар көнне 14:00 сәгатьтә ачылачак.  

КӨН ҮЗӘГЕНДӘ

Татарстан прокуроры Мәдәният министрлыгына шелтә белдерде

“Сатып алулар буенча закон бозуларга юл куелган һәр очракка карата чарасын күрүне таләп итәм”, - диде Илдус Нәфыйков.

Рөстәм Миңнеханов бизнеска басымның прокуратура җитешсезлеге дә булуын билгеләп узды

Президент намуслы бизнес нигезсез тикшерүләрдән якланган булырга тиеш, дип белдерде.

Казанда “Россиянең иң яхшы 100 товары” җиңүчеләрен бүләкләделәр

“Бу – РФ субъектлары арасында иң яхшы нәтиҗә”, – диде Татарстанның премьер-министр урынбасары.

Прокурор мәдәният хезмәткәрләренә тел өлкәсендәге вазгыятьне куертмаска кушты

Илдус Нәфыйков экстремизм юнәлешендә эш алып баручылар җавапка тартылачак, дип кисәтте.

Көнкүрештә гадәттән тыш хәл туганда, халыкта хафалану булдырмау буенча эш кирәк - прокурор

Илдус Нәфыйков социаль-икътисади рискны фаразлау буенча бердәм ведомствоара үзәк кирәклеген билгеләп узды.