Авыл

Кукмара районы Вахитов исемендәге хуҗалыкта районнар башлыклары катнашында семинар булды

Әлеге хуҗалык көн саен 57 тонна сөт сава.
11.01 22:00

(Кукмара, 11 гыйнвар, "Татар-информ", "Хезмәт даны", Ризилә Корбанова). Бүген Кукмара районының Вахитов исемендәге хуҗалыгында Татарстан авыл хуҗалыгы һәм азык-төлек министры Марат Әхмәтов катнашында район башлыклары һәм агрохолдинг җитәкчеләре өчен "Сөт җитештерүнең нәтиҗәлелеген арттыру" дигән темага өйрәнү формасында семинар үткәрелде, дип яза kukmor-rt.ru сайты.

Әлеге чарада катнашучылар хуҗалыкның сөтчелек комплексында булдылар, сөт җитештерү һәм бозау үстерү технологиясе белән таныштылар.

-Безнең хуҗалыкка хуҗалык җитәкчеләренең күп килгәне бар, ә мондый масштабта семинарны беренче тапкыр үткәрәбез, - диде Вахитов исемендәге хуҗалык җитәкчесе Нәфыйк Хөсәенов, чарада катнашучыларны сәламләп. - Безнең 5233 гектар сөрүлек җирләребез бар, 4460 баш мөгезле эре терлек исәпләнә. Шуның 1780е – савым сыерлар. Хәзерге вакытта көндәлек савым 57 тоннаны тәшкил итә.

Вахитов исемендәге хуҗалык районда гына түгел, республикада иң алдынгы хуҗалыклардан санала. Биредә тәҗрибә туплар, өйрәнер өчен дә мәгълүмат җитәрлек. Хәтта семинарда катнашучы җитәкчеләр дә мондагы хәлләргә соклануын яшермәде.

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.