Авыл

Теләче терлекчеләре: Сыйфатлы сөт – яхшы хезмәттә

“Алан” ширкәтендә эшләү өчен бар шартлар тудырылган
12.01 02:00

(Теләче, 12 гыйнвар, “Татар - информ”, "Теләче", Фәнил Нигъмәтҗанов). Теләче хуҗалыкларында терлекчелек тармагына соңгы айларда кергән үзгәрешләр мул сыйфтлы продукция алуны, эш шартларын тагын да уңайлаштыруны күз алдында тота. Мәсәлән, җаваплыклары чикләнгән “Игенче”, “Агролак” һәм “Алан” ширкәтләрендә бу шулай. Кичә район авыл хуҗалыгы һәм азык-төлек идарәсе җитәкчесе Ралиф Низаметдинов белән без булган җаваплылыгы чикләнгән “Алан” ширкәтендә терлекчелек торакларына килеп кергәч, терлекләрнең төнге тормышына сокланып куйдым. Сыерлар да, таналар да яктылык бөркеп торучы торакта җай гына күшиләр иде.Үзләре чисталар, тән торышлары да, сөбханалла, күз тимәсен. Алларына куелган сенаж җитәрлек, эчәргә сулары, яларга тозлары бар, аслары тазартылган. Төннәрен торакларны тазартып тору өчен торак саен бер терлекче куелган. Көндезен исә терлекләрнең аслары икенче бер терлекче тазарта, фураж да кабул итеп ала диелә район хәбәрендә.

Быел Күкчә авылында төзекләндерелгән таналар торагында ис-хушның әсәре дә юк. Торакларда бер дигән микроклимат саклана. Иң сөендергәне шул: иртәнге биштә ширкәтнең җаваплы белгечләре фермада иде. Күренеп тора: кайбер хуҗалыклардагы шикелле терлекчеләр язмыш кочагына ташланмаган. Терлекләрне бер кат күздән кичергәннән соң, алар, гадәттәгечә, алтыда ял бүлмәсенә көндәлек киңәшмәгә җыелалар.

Без килгәндә ясалма орлыкландыру технигы Әлфия Кадыйрова да ярдәмчесе Алмаз Бикмуллин белән үз эшләренә тотынганнар иде. Әлфия әйтүенчә, гыйнвар аенда ширкәттә 50 сыер бозаулавы көтелә. Шуның 30ы бозаулаган инде. Декабрьдә 38 сыер бозаулаган. Бу айда 33 сыер ташланачак. Теләккә килгән сыерларны алар көнгә ике тапкыр каплаталар. Кичә алты сыерны каплаткан булганнар. Бүген тагын шул шул ук сыерларны каплатачаклар. “Фән дә, тәҗрибә дә шулай куша”, - ди ул үз хезмәтенең үзенчәлеге турында. Дөрес, Әлфия биредә озак еллар эшләми әле. Нибары биш кенә ел. Махсус белеме дә юк. Казанда курсларда гына укыган. Әмма шулай булса да, ул үзенең көндәлек тырыш хезмәте, курсларда алган белеме, туплаган тормыш һәм хезмәт тәҗрибәсе белән хезмәттәшләренең, ширкәт җитәкчелегенең абруен яуларга өлгергән, диелә район басмасында.

 

 

КӨН ҮЗӘГЕНДӘ

Рөстәм Миңнеханов киләсе елга "Хәвефсез һәм сыйфатлы юллар" проектына керүче шәһәрне атады

Киләсе елга әлеге программага Түбән Кама керәчәк, диде Татарстан Президенты.

Татарстан Президенты Казан–Чаллы юлы турында: Кама аша күпер кебек хыял иде

Рөстәм Миңнеханов Татарстанның юл төзелеше буенча планнары зур һәм алар тормышка ашырылачак, дип ышандырды.

Россия Президенты ярдәмчесе “Казан Экспо” күргәзмә үзәге әзерлеген югары бәяләде

“Юллар 2018” халыкара күргәзмәсе “Казан Экспо” мәйданында беренче тапкыр үткәрелә.

“Татмедиа” республика агентлыгы футбол чемпионатын яктырткан журналистларны бүләкләде

Бүләкләнүчеләр арасында “Татар-информ”ның 17 хезмәткәре бар.

КФУ эксперты: Казанда аномаль җылы һава торышы 25 октябрьгә кадәр саклана

Казан университеты профессоры Татарстанда 21 октябрьгә кадәр явым-төшем күзәтелми, дип җиткерә.