Мәдәният

Арчада «Мин - татармын» бәйгесенә нәтиҗә ясалды

Бәйге проза, шигърият, публицистика номинацияләрендә үткәрелде.
12.01 13:37

(Казан, 12 гыйнвар, «Татар-информ»). Ана телебезне, милләтебезне саклау, үстерү, ватанпәрвәрлек хисләре тәрбияләү һәм районның яшь каләм тибрәтүчеләрен барлау максатында, Арча үзәк китапханәсе, ТАТМЕДИА акционерлык җәмгыятенең «Арча–информ» филиалы, «Каурый каләм» әдәби иҗат берләшмәсе һәм Арча районы «Ак калфак» оешмасы «Мин - татармын» дигән бәйге игълан иткән иде. Яңа ел алдыннан аңа нәтиҗәләр ясалды, дип яза «Арча хәбәрләре».

«Бәйге проза, шигърият, публицистика номинацияләрендә үткәрелде. Темалары – татар теле, милләт, телебезне саклау, гореф-гадәтләр, милли бәйрәмнәр, йолаларыбыз, республикада төрле милләт вәкилләренең дус һәм тату яшәве», - ди Арча үзәк китапханәсенең хезмәт күрсәтү бүлеге җитәкчесе Әлфия Галимова.

Бәйгегә 8 яшьлек укучы баладан алып 80 яшьлек хезмәт ветеранына кадәр үзләренең иҗат җимешләрен юллаган иде.

Конкурска 120дән артык эш килде. Араларында проза әсәрләре дә, публицистика да бар. Әмма күбесе – шигырьләр. Һәркем туган телебезне яклап үз фикерен җиткерергә теләгән.

Бүләкләү тантанасында район мәдәният бүлеге җитәкчесе Рамил Мөхетдинов һәм шагыйрь Рифат Җамал катнашты.

Җиңүчеләргә истәлекле бүләкләр тапшырылды, диелә Арчадан Гөлсинә Зәкиева язмасында. 
 

КӨН ҮЗӘГЕНДӘ

Айрат Сибагатуллин: Татар эстрадасы репертуар кытлыгы кичерә

Эстрада сәнгате белән бәйле проблемаларны хәл итү максатыннан, Татарстан Мәдәният министрлыгы каршында эксперт-консультатив шура проекты әзерләнгән.

Мәскәүнең ГУЛАГ музеенда язучы Аяз Гыйләҗевны искә алдылар

"Йәгез, бер дога" роман-хатирә презентациясенә язучы-журналистлар, "халык дошманы" балалары, Мәскәүдәге татар диаспорасы вәкилләре җыелган.

Татарстанда буран өч көн дәвам итәчәк

Алдагы өч тәүлектә республика территориясендә урыны белән кар явачак, 23 гыйнвардан 24енә каршы төндә көчле буран көтелә.

Пензада Гафур Коләхмәтов исемендәге татар халык театры чыгыш ясый

Спектакльдә төп рольләрне татар мохтарияте башкарма комитеты әгъзалары башкара.

Татарстан синоптиклары буран һәм көчле җил хакында кисәтә

Буран вакытында күз күреме 1-2 чакрымга кадәр кими, дип кисәтә синоптиклар.