Сәясәт

Мөселманнар үзләренә янаган куркынычларга каршы көрәштә берләшергә тиеш

Бу хакта Төркиянең Дини эшләр идарәсе башлыгы Али Эрбаш Мэриленд штатындагы Америка дини үзәгендә чыгыш ясаганда белдерде.
12.01 16:08

(Казан, 12 гыйнвар, «Татар-информ»). Мөселманнар үзләренә янаган куркынычларга каршы көрәштә берләшергә тиеш, диде Төркиянең Дини эшләр идарәсе башлыгы, профессор Али Эрбаш Мэриленд штатындагы Америка дини үзәгендә ясаган чыгышында. Бу хакта Төркиянең «Анадолу» агентлыгы хәбәр итә.

Али Эрбаш  сүзләренчә, ислам цивилизациясе күп гасырлар дәвамында төрле мәдәният, раса һәм тел вәкилләренең дус-тату яшәвендә таяныч булган.

«Моннан 100 ел элек күп кенә ислам халыкларының идарәчесе уртак булган. Әмма билгеле бер көчләрнең тырышлыгы белән бу бердәмлек юкка чыккан, мөселманнар үзләренең этник чыгышлары буенча зур булмаган дәүләтләргә бүленгән», - диде Эрбаш.

Аның сүзләренчә, кечкенә дәүләтләрне тора-бара колониягә әйләндергәннәр.

«Бүгенге көндә ислам дөньясында конфессияара каршылыклар һәм террорчылык оешмалары ярдәмендә хаос, ызгыш китереп чыгарырга омтылалар. Мөселманнар бу җәһәттән уяулыкны югалтмаска тиеш», - диде Эрбаш.

Шуның белән бергә, идарә башлыгы ксенофобия һәм исламофобия күренешләренә каршы актив көрәшергә чакырды.
 

КӨН ҮЗӘГЕНДӘ

17 июльнең төп вакыйгалары - фото һәм сылтамалар

Приезидент Казан ял паркларын Мәскәү үрнәгендә яхшыртырга тәкъдим итте, 91 укытучы грант алды, "Әдәби марафон" китап укырга өйрәтә.

Президент Югары урбанистика мәктәбе студентларының проектларын уңай бәяләде

Студентларның проектларын поликлиника, балалар бакчалары, мәктәпләрдә капиталь төзекләндерүдә сынап карарга тәкъдим ителде.

Рөстәм Миңнеханов Мәскәүнең “Зарядье” паркы тәҗрибәсен Татарстанда кулланырга тәкъдим итә

Татарстан Президенты Moscow Urban Forum 2018 Мәскәү урбанистика форумы эшендә катнашты.

Татарстаннан 5 укучы “Артек”ка социаль проектлауга багышланган сменага барачак

Проектта Татарстан, Пермь крае, Мәскәү, Тула, Төмән, Ульяновск һәм Новгород өлкәсе укучылары катнаша.

Владимир Сабан туенда көрәшне Татарстан хөкемдарлары бәяләде

Владимир шәһәрендә 19нчы тапкыр Сабан туен бәйрәм иттеләр.