Җәмгыять

Әтнә районы Яңа Кишет авылында «Ак калфак» берләшмәсенә йөрүче хатын-кызлар очрашты

Сөйләшү, серләшү милли ризыклардан торган мул табын артында дәвам итте.
12.01 23:00

(Әтнә, 12 гыйнвар, “Татар-информ”, “Әтнә таңы”, Фәридә Филатова). Әтнә районы Яңа Кишет авылында «Ак калфак» берләшмәсенә йөрүче хатын-кызлар очрашты, дип яза район газетасы.

Кишет безне кардан арчылган чиста урамнары, төз, матур йортлары белән каршы алды. Аннан да бигрәк ачык чырайлы, кунакчыл кешеләре таң калдырды. Ишекләреннән кергән һәр кешене олы кунак итеп кабул иткән, бусагаларыннан узган һәркемгә үзләренең җан җылысыннан өлеш чыгарган Әлфия апа белән Данил абый Шакирҗановлар да әнә шундыйлардан. Авылларының җирле “Ак калфак” берләшмәсенә йөрүче хатын-кызлар алдында Әлфия апа балан бәлеше пешерү буенча мастер класс уздырды. Гомерен балаларга белем бирүгә багышлаган Әлфия апа җайлап кына камыр кую һәм балан бәлешенең эчлеген әзерләүне аңлатып узды. Җитез кулларда камыр басылып, табага җәелде, эчлек салынып, газ миченә таба юл алды. Ул арада Данил абый минем Мәңгәрдән икәнемне белешеп, барлык туганнарымны, танышларымны да барлап алды. Ул үзе дә укытучы кеше, соңрак әлеге авыл җирлегендә җитәкче урыннарда эшләгән. Кишетнең тарихчысы дисәң дә була аны. Өлкән хәбәрчебез Илсур ага Шакиров белән бер сыйныфта укыганнар. Фикеренең тирәнлегенә, хәтеренең ныклыгына исләрең китмәле. Әлфия апа белән бер кыз һәм бер ул тәрбияләп үстергәннәр. Дүрт онык¬лары бар. Сүз уңаеннан, кызлары Лилия – Мәңгәр килене, озак еллар “Мәңгәр” күмәк хуҗалыгында баш бухгалтер вазыйфасын башкара. Маратлары исә тормыш иптәше Гөлфинә белән Казан шәһәрендә гомер итә. Әлфия апа гөлләр үстерү остасы да икән. Гөлләре белән кунак кызлар да бик кызыксынды, үстерү серләрен сораштырдылар.

Сөйләшү, серләшү милли ризыклардан торган мул табын артында дәвам итте. Бергәләп Олы Мәңгәр мәктәбендә укыган чорларны, Мәңгәр – Кишет арасында юлда күргән газапларны, укытучыларыбызны, мәктәп интернатында яшәгән вакытларын искә алдык. “Ак калфак¬лар” – мәдәният йорты директоры Зөлфия дә, авыл фельдшеры Люция дә, укытучы Миләүшә дә, Надия үзе дә – шушы мәктәптә белем алган кызлар. Рәхәтләнеп истәлекләр белән уртаклаштык. Озак та үтми алда телгә алынган балан бәлеше дә әзер булды. 

КӨН ҮЗӘГЕНДӘ

Айрат Сибагатуллин: Татар эстрадасы репертуар кытлыгы кичерә

Эстрада сәнгате белән бәйле проблемаларны хәл итү максатыннан, Татарстан Мәдәният министрлыгы каршында эксперт-консультатив шура проекты әзерләнгән.

Татарстанда буран өч көн дәвам итәчәк

Алдагы өч тәүлектә республика территориясендә урыны белән кар явачак, 23 гыйнвардан 24енә каршы төндә көчле буран көтелә.

Пензада Гафур Коләхмәтов исемендәге татар халык театры чыгыш ясый

Спектакльдә төп рольләрне татар мохтарияте башкарма комитеты әгъзалары башкара.

Татарстан синоптиклары буран һәм көчле җил хакында кисәтә

Буран вакытында күз күреме 1-2 чакрымга кадәр кими, дип кисәтә синоптиклар.

Танылган фоторәссам Михаил Козловский белән хушлаштылар

Татарстанның атказанган мәдәният хезмәткәре белән хушлашу Актерлар йортында узды.