Мәдәният

Татарстанда иң күп каралган татар фильмнары - кинопрокат нәтиҗәләре

«ТатарКино» оешмасы республика буенча кинопрокат күрсәткечләрен игълан итә.
12.01 16:23

(Казан, 12 гыйнвар, «Татар-информ», Рузилә Мөхәммәтова). Татарстанда 2017 ел мәгълүматлары буенча, татар фильмнары арасыннан иң күбе - «Айсылу» (режиссерлары – Солтан Сөнгатуллин, Рөстәм Рәшитов), «Тапшырылмаган хатлар» (Рөстәм Рәшитов) һәм «Егет сүзе бер булыр» (Илфат Камалиев) фильмнары каралган. Бу хатка «ТатарКино» оешмасының матбугат үзәге хәбәр итә.

Республика кинопрокатының рәсми күрсәткечләре буенча, «Айсылу» фильмы 394 тапкыр күрсәтелгән һәм аны 8781 тамашачы караган. «Тапшырылмаган хатлар»ның 306 сеанста 6029 кеше караган, ә Илфат Камалиевның «Егет сүзе бер булыр» балалар фильмын 233 сеанста 4011 кеше тамаша кылган.

2016 елда “Татармультфильм” студиясендә әзерләнгән «Мирас угы» (режиссер - С.Киатров) мультфильмын 2084 бала караган. «Семейные хлопоты» (режиссер - А.Барыкин) фильмын «ТатарКино» прокаты буенча 1768 кеше караган. Салават Юзеевның «Татарометражкалар»ын – 720, “Котырган меңлек”не 51 сеанста 769 кеше караган.

«Айсылу» фильмының идея авторы һәм продюсеры Алексей Барыкин «ТатарКино» күрсәткечләренә "Тандем", "Парк-хаус", "Корстон", XL сәүдә үзәкләрендә урнашкан кинотеатрлардагы җыемнар кертелмәвен искәртә. Быел җәй көне фильм коммерция кинозалларында да уңыш белән барды.

 

КӨН ҮЗӘГЕНДӘ

Рөстәм Миңнеханов: Бүген халык белән эшләү бөтенләй башка төрле

Социаль һәм электрон мәйданчыклар хакимият белән халыкның үзара элемтәсен радикаль рәвештә җиңеләйткән.

22 сентябрьнең төп вакыйгалары - фото һәм сылтамалар

Рөстәм Миңнеханов хезмәт кешесенең абруен күтәрергә кирәклеген әйтте, “Нур-Ихлас” мәчете территориясендә мәдрәсә төзеләчәк, иртәгә һава торышы бозыла.

Татарстан хөкүмәте 2019 елда зур концерт залын төзү эшләренә керешергә ниятли

Хәзерге вакытта Татарстан җитәкчелеге объектның концепциясен раслый, төрле юнәлешләрне һәм мәйданнарны карый, диде Рөстәм Миңнеханов.

Рөстәм Миңнеханов: “Казан” милли-мәдәни үзәген Милли китапханә өчен зурайтачаклар

Мөмкинлекләре һәм җәлеп итүчәнлеге буенча “Казан” милли-мәдәни үзәге кебек урын башка бер җирдә дә юк, диде Татарстан Президенты.

Синоптиклар иртәгә Татарстанда һава шартлары бозылу турында кисәтә

23 сентябрьдә төнлә һәм иртән республика территориясендә һәм Казанда томан төшәчәк.