Авыл

Тукай районында кәҗәләрне һәм сыерларны чыршы-нарат агачлары белән сыйларга тәкъдим итәләр

Тукай районы авылларында Яңа елга бизәлгән чыршыларны кәҗә асраучы хуҗалыкларның турыдан-туры үзләренә бирә аласыз.
13.01 04:00

(Тукай районы, 13 гыйнвар, "Татар-информ", "Якты юл"). Яңа ел бәйрәмнәре узып китте. Өй түрендә бизәнеп-ясанып торган чыршы-наратларның да кадере, балалар өчен кызыгы бетте. Хәер, искечә Яңа елга кадәр әле алар торалар. Аннан соң инде урыннары чүп контейнерларына күчә. Ә без сезгә урман сылулары чыршы-наратларны алай бик тиз генә чыгарып атмаска киңәш итәбез, чөнки алар кәҗәләр өчен менә дигән азык, бик күп витаминнар чыганагы. Чыршыны бары тик уенчыклардан, мишурадан арындырырга кирәк. Ботаклар каротинга бай, кәҗәләрнең иммунитетына бик яхшы йогынты ясый. Мөгезле-сакаллы сөтлебикәләр рационына чыршы, нарат кергәндә аларның шулай ук сөт сыйфаты да арта икән, дип яза җирле басма.

Зур шәһәрләрдә Яңа ел символын кабул итү өчен махсус пунктлар да оештырыла. Аларны соңыннан фермерлык хуҗалыкларына җибәрәләр. Тукай районы авылларында исә кәҗә асраучы хуҗалыкларның турыдан-туры үзләренә бирә аласыз. Бу уңайдан Тукай районы ветеринария берләшмәсе җитәкчесе Рәүф Басыйров белән элемтәгә кердек, мәсьәләгә ачыклык керттек.

– Чыршы-наратларны кәҗәләр генә түгел, сыерлар да бик яратып ашыйлар. Чыршыларыгызны елтыр-елтыр килеп торган мишурадан арындырырга иренсәгез, йорт хайваннары аларны үзләре үк аралаштырып ашыячак, бу яктан маллар бик игътибарлылар һәм акыллылар. Чыннан да, чыршы-наратларда каротин күп. Кыш айларында бигрәк тә малларның ашау рационына игътибар итәргә кирәк. Сөтлебикәләрегезне яшел төсен югалтмаган печән, сенаж, әйбәт силос, кызыл һәм сары сорттагы кишер, кабак, сары кукуруз һәм әйтеп киткәнемчә нарат, чыршы ылысларын ашатсагыз яхшы. Шуны истән чыгармаска кирәк: әгәр дә малларның организмында каротин җитәрлек дәрәҗәдә булмаса, ул яшь терлекләрнең үсеш дәрәҗәсенә, шулай ук йорт хайваннарының продуктивлылыгы һәм инфекцион чирләргә каршы торучанлыгы төшүенә китерергә мөмкин, – дип аңлатты Рәүф Ягъфәр улы.

 

КӨН ҮЗӘГЕНДӘ

Рөстәм Миңнеханов Дмитрий Медведев белән очрашачак

Бүген Татарстан Президенты Рөстәм Миңнеханов Мәскәүдә эшлекле сәфәрдә.

Казанда имамнарның белемнәрен күтәрү курслары ачылды

Курсларда иң беренче булып КФУның ислам һәм көнчыгышны өйрәнү кафедрасы җитәкчесе, тарих фәннәре докторы Айдар Хәбетдинов лекция укыды.

Казахстанда Сабан туе көне билгеле булды

Милли бәйрәмне үткәрүдә ярдәм күрсәтү Актаныш муниципаль районына йөкләнгән.

Сәламәтлек саклау министрлыгында Тукай соңгы көннәрен үткәргән мемориаль бүлмә эшли

Казанда Сәламәтлек саклау министрлыгы бинасында шагыйрьнең мини-музеен оештырганнар.

Мөфти Илдар Мөхәммәдшин Эстониядә Беренче мәхәлләне татарлар оештырганын әйтте

Эстониянең Ислам җәмгыяте Республиканың йөз еллыгы һәм Беренче мөселман мәхәлләсе теркәлүнең туксан еллыгына багышланган халыкара конференция уздыра.