Мәдәният

Чувашстанның Кыр Бикшиге авылында Ф.Бурнашның 120 еллыгы зурлап билгеләп үтелә

Бүген, 13 гыйнварда, Фәтхи Бурнашның тууына 120 ел булды.
13.01 16:50

(Казан, 13 гыйнвар, «Татар-информ»). 2018 елның 20 гыйнварында Чувашстанның Батыр районы Кыр Бикшиге авылында татар халкының мәшһүр классигы, язучы, драматург Фәтхи Бурнашның 120 еллыгына багышлап зур тантана үткәрелә. Бу хакта Бөтендөнья татар конгрессы матбугат хезмәте хәбәрендә җиткерелә.

Кыр Бикшиге авылы халкы, җәмәгатьчелек, Фәтхи Бурнашка багышлап истәлекле тамга-һәйкәл ясады, аның ачылышы һәм тантаналы бәйрәм үтәчәк. Бәйрәм тантанасына Бөтендөнья татар конгрессыннан кунаклар, Татарстан Республикасы Язучылар берлегеннән Ркаил Зәйдулла катнашындагы мәртәбәле язучылар делегациясе, Г.Камал театры артистлары чакырылды.

Халыкка бәйрәм булсын өчен,  Фәтхи Бурнашның “Яшь йөрәкләр” спектакленнән яшьләр уены күренеше чакырылды. Җирле халык театры Фәтхи Бурнаш пьесаларыннан өзекләр әзерләде.

Фәтхи Бурнаш, тулы исеме - Фәтхелислам Закир улы Бурнашев (1898 — 1942) - күренекле татар шагыйре, драматург, публицист, әдәбият тәнкыйтьчесе, тәрҗемәче. Октябрь инкыйлабыннан соң Үзәк мөселман хәрби коллегиясе органы «Кызыл Армия» газетасының мөхәррире булып эшли.
1920-1930 елларда аның драма әсәрләре татар сәхнәсеннән төшми, тамашачылар арасында искиткеч популярлык казана.
1940 елны кулга алына, 10 елга хөкем ителә. 1942 елда атып үтерелә

 

КӨН ҮЗӘГЕНДӘ

16 - 22 июль көннәренә Татарстанның мәдәни афишасы

Театрлар җәйге ялда. Изге Болгарда – “Иман моңы” фестивале һәм Казан Кремлендә джаз фестивале була.

Рөстәм Миңнеханов Мәскәүдә Дөнья чемпионатына багышланган Гала-концертта булды

Гала-концерт Мәскәүнең Зур академия дәүләт театрында узды.

Миңнеханов Татарстанның Федераль атом-төш үзәге белән хезмәттәшлек итәргә теләвен белдерде

Татарстан Президенты кичә Снежинскта Бөтенроссия техник физика фәнни-тикшеренү институтында булды.

Казан 2036 елда Олимпия уеннарын үткәрү хокукы өчен көрәшергә мөмкин

"Казанда спорт инфраструктурасы зур үсеш алган, шәһәр үзенчәлекле космополитик үзәк булып тора", - дигән Росия Олимпия комитеты башлыгы.

“Татар-информ” укучылары сорауларына Риэлторлар гильдиясе президенты А.Савельев җавап бирә

Сораулар иртәгә, 17 июль көнне, 10.00-11.00 сәгатьтә кабул ителәчәк.