Мәдәният

Әлмәт театрында дүрт яшь режиссер үсмерләр темасына эскизлар әзерләячәк

Лабораториядә Казаннан Регина Саттарова, Олег Кинҗәгулов, Әминә Миндиярова һәм Уфадан Илшат Мөхетдинов катнаша.
14.01 14:32

(Казан, 14 гыйнвар, “Татар-информ”, Рузилә Мөхәммәтова). Әлмәт татар дәүләт драма театрында бүген “Friendzone” (“Френдзона”) төбәкара режиссерлар лабораториясе эшен башлады, дип хәбәр итә театрның матбугат хезмәте. Проект үсмерләр өчен актуаль текстлар эзләү, репертуар булдыру, бу юнәлешкә яшь режиссерларны җәлеп итү, үсмерләр спектакльләре өчен яңа сәнгать мөмкинлекләрен эзләү максатын күздә тота.

18 гыйнварга кадәр дүрт яшь режиссер - Казаннан Регина Саттарова, Олег Кинҗәгулов, Әминә Миндиярова һәм Уфадан Илшат Мөхетдинов - үсмерләр темасына багышланган текстлардан спектакль эскизларын әзерләячәк. Лабораториянең җитәкчесе һәм модераторы - театр белгече Нияз Игъламов.

Искәртеп үтәбез, Россия театрларында лаборатория хәрәкәте 2000 еллар башында Олег Лоевский тарафыннан яшь режиссерлар белән таныштыру, заманча текстларга игътибар арттыру максатында гамәлгә куелган иде. Мондый лабораторияне Әлмәт театры беренче тапкыр оештыра.

“Бүгенге көндә барган лабораторияләрнең 90 проценты заманча текстларга корылган”, - дип ассызыклый Камал театрының әдәби бүлек мөдире, театр белгече Нияз Игъламов. Аның сүзләренчә, лаборатория - актерлар өчен әһәмиятле тренинг. Ул киеренке (стресс) шартларда калыплардан арынырга, актерга үзендә яңа иҗат көче табарга ярдәм итә. “Бүгенге көндә елына ике-өч лаборатория уздырган театрлар бар”, - ди Нияз Игъламов.

“Friendzone” лабораториясе өчен текстларны режиссерлар үзләре сайлады. Нәтиҗәдә, 18 гыйнварда театр һәм әдәбият белгечләреннән торган экспертлар, үсмерләрдән торган фокус-төркем һәм журналистлар М.Огневаның “Костик”, Эрик-Эмманюэль Шмиттның “Оскар и Розовая дама”, Павел Поляковның “Крысолов” һәм Олжас Жанайдаровның “Танцы+” текстлары буенча спектакль эскизларын күрә алачак.
 

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.