Сәясәт, Рәсми Татарстан

Минтимер Шәймиев Путинның ышанычлысы булды

Хәзер Путинның ышанычлы кешеләренең гомуми саны 413 булды, дигән Үзәк сайлау комиссиясе әгъзасы Александр Клюкин.
22.01 21:46

(Казан, 22 гыйнвар, “Татар-информ”). Президентлыкка кандидат Владимир Путинның ышанычлы кешеләре исемлегенең икенче өлешенә Татарстан Ресубликасы Дәүләт Киңәшчесе Минтимер Шәймиев кергән, дип яза “Коммерсантъ”.

Үзәк сайлау комиссиясендә теркәлгән исемлеккә 154 кеше кергән. Алар арасында, Шәймиевтән тыш, фигуралы шуучылар Татьяна Навка һәм Илья Авербух, актерлар Сергей Безруков, Михаил Боярский һәм Александр Калягин, режиссер Федор Бондарчук, нәфис гимнастика буенча җыелма команда баш тренеры Ирина Винер-Усманова, дрессировщиклар Аскольд һәм Эдгард Запашныйлар, боксер Федор Емельяненко, шахматчы Сергей Карякин һәм хоккейчы Илья Ковальчук бар.

Исемлеккә кергән продюсер Игорь Матвиенко хоккейчы Александр Овечкин социаль челтәрләрдә ясаган һәм Путинны яклаучы танылган кешеләрне берләштерергә тиешле Putin Team хәрәкәтен эшләтәчәк, диелгән басма хәбәрендә.

Ышанычлы кешеләр исемлегендә шулай ук иҗади булмаган һөнәр ияләре дә бар. Мәсәлән, Петр Глыбочко — табиб-уролог, И. М. Сеченов исемендәге Беренче медицина университеты ректоры. Исемлеккә җәмәгать эшлеклеләре дә, аерым алганда, “Сопротивление” оешмасы башлыгы Ольга Костина кергән.

Шулай ук Владимир Путин диссертациясенең фәнни җитәкчесе булган Санкт-Петербург Тау университеты ректоры Владимир Литвиненко да Путинның ышанычлы кешесе.

Хәзер Путинның ышанычлы кешеләренең гомуми саны 413 булды, дигән Үзәк сайлау комиссиясе әгъзасы Александр Клюкин.

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Мирфатыйх Зәкиев һәм Рүзәл Йосыпов Фәннәр академиясенең алтын медале белән бүләкләнде

Рүзәл Йосыпов Татарстан Республикасы Фәннәр академиясенең алтын медален дәүләт бүләкләренән артык күрүен әйтте.

Соңгы елларда хаҗга яшьләр күбрәк бара башлаган

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.