Сәясәт

Фәрит Мөхәммәтшинның Япониягә эш сәфәре башланды

Татарстан парламенты башлыгы Токио, Саппоро һәм Хакодатэ шәһәрләрендә булачак.
23.01 13:51

(Казан, 23 гыйнвар, «Татар-информ»). Бүген Татарстан Дәүләт Советы Рәисе, Россия Федерациясе Закон чыгаручылар советының Халыкара хезмәттәшлек проблемалары буенча комиссиясе башлыгы Фәрит Мөхәммәтшинның Япониягә эш сәфәре башланды. Бу хакта Татарстан Дәүләт Советының матбугат хезмәте хәбәр итә.

ТР парламенты башлыгы РФ Федераль Җыены Федерация Советы парламент делегациясе составында Хоккайдо префектурасы губернаторы Харуми Такахаси чакыруы буенча Токио, Саппоро һәм Хакодатэ шәһәрләрендә булачак. Россия делегациясен РФ Федераль Җыены Федерация Советының Халыкара эшләр буенча комитеты рәисе Константин Косачев җитәкли.

Делегация Япониягә Федерация Советының Россия-Япония парламентара һәм төбәкара хезмәттәшлеккә ярдәм күрсәтү буенча консультатив совет һәм Япония парламенты киңәшчеләр палатасының Япония-Россия «Дискуссия клубы» уртак утырышында катнашу өчен китте.

Россия һәм Япония арасындагы үзара мөнәсәбәтләр Россия Президенты Владимир Путинның 2016 елның декабрендә Япониягә эш сәфәреннән соң яңа импульс алды.

Парламентара элемәләр дә активлашты. Россия парламенты палаталары рәисләренең Япониядәге коллегалары белән очрашулары даими рәвештә үткәрелә. 120 дән артык депутатны берләштергән Япония-Россия дуслыгы Парламент ассоциациясе уңышлы эшләп килә.

Быелның май аенда Мәскәүдә тантаналы рәвештә Россиядә Япония елы ачыла. Чаралар Россия һәм Япония арасындагы мөнәсәбәтләрнең барлык аспектларын да колачлар дип көтелә.

Россиянең кайбер төбәкләрендә Россиядә Япония елы кысаларында мәдәни акцияләр башланды инде. Аерым алганда, гыйнвар аенда Татарстанда Япониянең Россиядәге илчелеге һәм Татарстан Мәдәният министрлыгы тарафыннан оештырылган «Япония курчаклары» күргәзмәсе ачылды.

Россия делегациясенең Япониягә рәсми сәфәре 27 гыйнварда төгәлләнә. 

КӨН ҮЗӘГЕНДӘ

25 майның төп вакыйгалары - фото һәм сылтамалар

Петербург форумы куелган бурычларны үтәде, туган телләрне укыту турындагы закон проекты буенча аңлашу бар, Казан Чемпионатка әзерләнә.

КФУның “Мизгел” яшьләр театры актерларга кастинг игълан итә

Кастинг Филология һәм мәдәниятара багланышлар институты бинасында узачак.

Т.Миңнуллина: Петербург халыкара икътисадый форумында "биш"кә эшләдек

Форумның иң мөһим нәтиҗәләренең берсе – ”КАМАЗ” белән 46,5 млрд сумлык килешү һәм Түбән Камада яңа олефин комплексын финанслау.

Татарстанның мордва милли җәмгыяте рәисе: Телләрне ихтыяри укыту милләтләрне юк итәчәк

Һәр милләткә туган телендә укырга мөмкинлек бирергә кирәк, дип саный Наталья Сабитова.

Россиядә туган телләргә ярдәм итүче федераль фонд төзелергә мөмкин – Илдар Гыйльметдинов

Бүген Россиянең мәгариф системасында өйрәнелә торган 30 телнең җидесендә генә дәреслекләр бар, дип белдерде депутат.