Сәясәт, Җәмгыять

“Татарстан Республикасы өчен 50 иң яхшы инновацион идея” республика конкурсы бара

Бәйгегә ике яңа номинация кертү төп үзгәреш булды.
24.01 07:11

(Казан, 24 гыйнвар, "Татар-информ"). “Татарстан Республикасы өчен 50 иң яхшы инновацион идея” XIV республика конкурсы һәм “1000 идея” инновацион проектлар программасы башланды. Конкурс яңа форматта гамәлгә куелачак, дип хәбәр итә Татарстан Президенты матбугат хезмәте.

Бүген бу хакта кичә Татарстан Хөкүмәте йортында узган брифингта ТР Инвестицион-венчур фонды директоры Айнур Айдельдинов, Pulsar Venture Capital директоры Павел Королёв сөйләде.

“Татарстан Республикасы өчен 50 иң яхшы инновацион идея” XIV республика конкурсы 2018 елның 1 гыйнварыннан башланды. Ике яңа номинация кертү төп үзгәреш булды.

“1000 идея” инновацион проектлар программасы да яңа форматта башлана, фәнни технология компанияләре булдыру фаразлана.

Кертелгән үзгәрешләр Татарстан Республикасы икътисадының өстенлекле тармакларында технологик эшкуарлар санын арттыруга юнәлтелгән. Бер проектны финанслауның суммасы булган бюджетны яңадан бүлү хисабына 3 млн.нан 20 млн.га кадәр артачак. Проектны гамәлгә ашыру вакыты нәтиҗәле рәвештә 3,5 елдан 1,5 елга кадәр кими, диелә әлеге хәбәрдә.

Республика икътисадына кертелгән инновацион проектларны арттыру һәм яңа югары квалификацияле эш урыннары барлыкка килү эшләнгән эшләрнең нәтиҗәсе булып тора. 

КӨН ҮЗӘГЕНДӘ

Разил Вәлиев: Мәгариф турындагы законга яңадан кайтырга кирәк

Татарстан депутаты Владимир Путинның Россия халыклары милли телләрен яңадан торгызу инициативасын шатланып кабул итте.

Сораштырылган эшмәкәрләрнең яртысы быел бизнес алып бару өчен шартлар начарайганын әйткән

Тимур Нагуманов эшлеклелек активлыгы кимүенә карата борчылуын белдерде.

Путин Россия халыкларының милли телләрен саклау программасын торгызу ихтыяҗы булуын әйтте

СССР заманында дәүләттә милли телләрне саклау буенча махсус программа бар иде, дип искә төшергән ул.

Р.Миңнеханов санитар зоналар буенча кагыйдәләр турында: Каш ясыйм дип, күз чыгару кебек бу

Президент эшмәкәрләргә, санитар зоналар турында яңа кагыйдәләргә үзгәрешләр кертү турында федераль Хөкүмәткә хат юлларга вәгъдә бирде.

Рөстәм Миңнеханов эшмәкәрләргә битараф җитәкчеләрне ярты ел кабул итмәү белән янады

Татарстан Президенты түрәләрнең эшмәкәрләр белән сөйләшергә өйрәнергә тиешлеген әйтте.