Сәясәт, Җәмгыять

Финляндиядә Президент сайлауларында дәүләтнең бүгенге башлыгы җиңгән

Саули Нийнистё үз тарафдарларына: “Без иң тотрыклы ил булып торабыз, һәм бу зур кыйммәткә ия”, - дип белдергән.
29.01 07:39

(Казан, 29 гыйнвар, «Татар-информ»). Финляндиядә Президент сайлауларында дәүләтнең бүген гамәлдә булган башлыгы Саули Нийнистё җиңгән. Бу хакта РИА «Новости» хәбәр итә.

Барлык тикшерелгән бюллетеньнәрнең 62,7 процентында тавыш Президент Нийнистё кандидатурасына бирелгән.

Сайлау нәтиҗәләрен игълан иткәч, Саули Нийнистё үз тарафдарларына көчле һәм гүзәл дәүләт хакындагы сүзләр белән мөрәҗәгать иткән. Ул илдә сүз иреге булачак, һәм дөнья җәмәгатьчелеге белдергән фикер игътибарга алыначак, дип вәгъдә иткән.

“Без иң тотрыклы ил булып торабыз, һәм бу зур кыйммәткә ия”, дип белдергән Саули Нийнистё.

Финляндиядәге сайлауларның нәтиҗәсе рәсми төстә 30 гыйнварда игълан ителәчәк.


 

КӨН ҮЗӘГЕНДӘ

"Мирас" фестивале Яруллиннар династиясен искә ала

Фестивальнең икенче концертында Заһидулла, Фәрит һәм Мирсәет Яруллиннар әсәрләре яңгырый.

Питрәчтә Кәримовлар хуҗалыгында 14 баш эре мөгезле терлек бар

"Сыерларның барысын да сауганда, һәр көнне 200 литр сөт алабыз", - дип сөйләгән хуҗабикә.

Мәскәү салкыннары Татарстанга килә

23-28 февральдә Россия башкаласында уртача температура нормадан 7-12 градуска кимрәк булачак.

"Белем җәүһәрләре" бәйгесенә гаризалар кабул итү башланды

Дөньякүләм бәйгегә "ВКонтакте социаль челтәре җәүһәрләре" дигән яңа номинация өстәлгән.

Казанбаш мәктәбе укучылары агулану буенча тикшерү төгәлләнгән

Арча районында гаеплеләр җәзага тартылган.