Сәясәт

Николай Никифоров Америка санкцияләре буенча фикере белән уртаклашты

Министр Европа партнерлары белән хезмәттәшлекне җайга салырга теләвен белдерде.
30.01 18:12

(Казан, 30 гыйнвар, “Татар-информ”, Гөлнар Гарифуллина). “Америка санкцияләре – ул мәңгелеккә. Алар гамәлдән чыгар дип уйламыйбыз да”, - дип белдерде Россиянең элемтә һәм массакүләм коммуникацияләр министры Николай Никифоров бүген Казанда журналистларга. Ул Америка Кушма Штатларының яңа санкцияләре буенча шәрехләмә бирде.

Искәртеп үтик: бүген АКШ Финанслар министрлыгының Россия Президенты Владимир Путинга якын булган түрәләр һәм бизнесменнар, хакимият белән тыгыз бәйләнештә булган компанияләр турында докладны бастырганы билгеле булды. Исемлектә 1 миллиард доллардан артык мөлкәте булган 114 Россия сәясәтчесе һәм 96 эшмәкәр. Алар барысы да Россиягә карата яңа санкцияләргә эләгергә мөмкин. Исемлектә Татарстан вәкилләре дә бар.

“Төрле исемлекләр булырга мөмкин. Бу вазгыятьне үзгәртергә сәләтле факторларны күрмибез дә. Шул ук вакытта, без Европа коллегаларының Россия Федерациясе белән тыгыз хезмәттәшлектә кызыксынуы булуын күрәбез, шул исәптән элемтә, IT-юнәлеш, цифрлаштыруны үстерү мәсьәләләрендә. Европа – безнең күршеләр. Европа белән безне гомуми тарих, гомуми мәдәният берләштерә. Без конструктив хезмәттәшлек кору яклы”, - диде Николай Никифоров.

Министр әйтүенчә, геосәясәттә куәтле мәгълүмати технологияләрдән башка бер дәүләт тә үзен мөстәкыйль итеп хис итә алмый. “Россия Федерациясендә үз технологияләребезне үстерергә кирәк. Цифрлы мохиттә тулы мөстәкыйльлеккә үз технологияләребезгә таянсак кына ирешәчәкбез. Альтернатив юл булмауны аңлау зарур. Без үзебезнең операцион системаларны, белешмәләр базасын, офис тәкъдимнәре пакетын, интернет-сервисларны һәм башкаларны үстерегә тиеш. Бу безнең бердәнбер юл”, - диде Никифоров.

 

КӨН ҮЗӘГЕНДӘ

Разил Вәлиев: Мәгариф турындагы законга яңадан кайтырга кирәк

Татарстан депутаты Владимир Путинның Россия халыклары милли телләрен яңадан торгызу инициативасын шатланып кабул итте.

Сораштырылган эшмәкәрләрнең яртысы быел бизнес алып бару өчен шартлар начарайганын әйткән

Тимур Нагуманов эшлеклелек активлыгы кимүенә карата борчылуын белдерде.

Путин Россия халыкларының милли телләрен саклау программасын торгызу ихтыяҗы булуын әйтте

СССР заманында дәүләттә милли телләрне саклау буенча махсус программа бар иде, дип искә төшергән ул.

Р.Миңнеханов санитар зоналар буенча кагыйдәләр турында: Каш ясыйм дип, күз чыгару кебек бу

Президент эшмәкәрләргә, санитар зоналар турында яңа кагыйдәләргә үзгәрешләр кертү турында федераль Хөкүмәткә хат юлларга вәгъдә бирде.

Рөстәм Миңнеханов эшмәкәрләргә битараф җитәкчеләрне ярты ел кабул итмәү белән янады

Татарстан Президенты түрәләрнең эшмәкәрләр белән сөйләшергә өйрәнергә тиешлеген әйтте.