Авыл

Питрәч районында авыл хуҗалыгы техникасын ремонтлау график буенча бара

Ремонт таләп ителгән унҗиде чәчү комплексының әлегә икесе генә ремонтланган.
01.02 03:00

(Питрәч районы, 1 февраль,  “Татар-информ”, “Алга”, Ольга Шипшова). Авылда кыш – механизаторларның барлык авыл хуҗалыгы агрегатларын тәртипкә китерү чоры. Бу чорда Питрәч районының барлык хуҗалыкларында да диярлек тракторлар, тырмалар, туфрак эшкәртү, чәчү машиналарын һәм башка техникаларны ремонтлау белән шөгыльләнәләр, дип яза район газетасы.

Районның башка хуҗалыкларындагы кебек “Рацин Шәле” ҖЧҖ ремонт остаханәсендә да авыл хуҗалыгы эшләре өчен булган техниканы әзерләү бара: нәрсәләрнедер ремонтларга, үзгәртеп эшләргә, яхшыртырга өлгергәннәр инде.

– Хәзерге вакытта безнең хуҗалыкта туфрак эшкәртү техникасын торгызу буенча эшләр тулысынча төгәлләнде. Без терлекчелек белән дә шөгыльләнәбез, тракторлар безнең ел әйләнәсе эштә. Хәзер соңгы чәчкечне ремонтларга керештек, – диде “Рацин Шәле” ҖЧҖ баш агрономы Фәнис Ибәтов.

Кышкы суыклар механизаторлар эшен тоткарламады, җылы бинада эш кайный, мастерскойны утын белән җылыталар, барлык эшләр комплексы механизаторлар тарафыннан башкарыла.

Ххуҗалык механизаторлары Мансур Морозов, Мансур Сәлахов, Госман Мөхетдинов һәм Нияз Сәлахиев чәчкеч ремонтлау белән мәшгуль. Бу бригадада тәҗрибәле механизаторлар тупланган, алар авыл хуҗалыгы техникасын яхшы белә. Үз эшенең чын осталары яшь буын белән дә тәҗрибәләре белән уртаклашалар.

Госман Мөхетдиновның кулыннан килмәгән эше юк, ул Т40 тракторында катоклауда эшли.

– Техниканы кыр эшләренә намус белән әзерлибез, шул чакта гына язын мәшәкатьләр килеп чыкмаячак, проблемалар булмаячак. Ул чакта бит һәр көн, һәр сәгать кадерле, – диде тәҗрибәле механизатор. – Ул 1975 елдан бирле авыл хуҗалыгында эшли.

Ә менә Нияз Сәлахиев бу эштә әле өченче елын гына, ул Ленино-Кокушкинода П.В.Дементьев исемендәге Казан авиация-техник көллияте филиалын тәмамлаган, практиканы туган авылында хуҗалыкта үткән, ә хәзер ул гаражда алыштыргысыз хезмәткәр.

– Эшнең җиңеле булмый, һәм эшнең үз катлаулылыгы бар, – диде ул.

– Бездә барлык эшләр план буенча алып барыла. Узган ел уңышны бары тик 23 декабрьдә генә тәмамлауны исәпкә алсаң, әле без графиктан алда да барабыз. Ышануы авыр, әле без декабрьдә генә көнбагыш җыю белән шөгыльләнә идек.

Ноябрьнең җылы килүе моны вакытында эшләргә ирек бирмәде, кырга җир туңдыргач кына керә алдык. Эштән канәгать, кайбер урыннарда көнбагыш шулай кырда калды бит, – диде “Рацин Шәле” баш агрономы Фәнис Ибәтов.

Тулаем район буенча авыл хуҗалыгы техникасын ремонтлау график буенча бара.

Бүгенге көндә ремонтланырга тиешле барлык тракторларның яртысы эшкә әзер. Алар бездә 258 берәмлек, шуларның 221енә ремонт кирәк иде. Барлык культиваторларның 82 проценты, катнаш агрегатларның 64 проценты әзерлек сафына куелды. Тешле тырмаларның 88 проценттан артыгы һәм дисклы тырмаларның яртысыннан күбрәге эшкә әзер. Ә менә ремонт таләп ителгән унҗиде чәчү комплексының әлегә икесе генә ремонтланган.

Шулай да механизаторлар сынатмаска вәгъдә итә, язын кырга районның барлык техникасы тулы куәт белән эшкә чыгачак, диелгән район хәбәрендә.

 

 

КӨН ҮЗӘГЕНДӘ

14 августның төп вакыйгалары - фото һәм сылтамалар

Татарстанда урып-җыюның экваторына якынлаштылар, республикада кош гриппы буенча карантин гамәлдән чыга.

Р.Миңнеханов Чүпрәледә җир белән эшләүгә аерым игътибар бирелүен әйтте

Чүпрәледә гектарыннан 25 центнер алып, 45,6 мең тонна ашлык суктырылган.

Татарстан Президенты Буа районында урып-җыю барышы белән танышты

Районда бөртекле һәм бөртекле-кузаклылар мәйданының яртысыннан артыгы суктырылган.

Нәҗибә Ихсановага Азнакайдан якташлары авыл күчтәнәчләре алып килде

Бүген Татарстанның халык артисткасы Нәҗибә Ихсанова белән күрешергә дип, Азнакайдан бер төркем якташлары Казанга килде.

Римма Ратникова фотограф Рамил Галине Татарстан фотожурналистикасының исеме дип атады

Экспозициядә 80нче еллар ахыры – 90нчы еллар башындагы вакыйгалар, танылган сәясәтчеләр һәм җәмәгать эшлеклеләренең фотолары урын алды.