Дин

Торак алуда шәригать буенча финанс ярдәме күрсәтүне Казанда "түгәрәк өстәл"дә карадылар

Фәнни-гамәли чараның төп максаты – әлеге мәсьәләдә булган тәҗрибәне ныгыту.
01.02 16:21

(Казан, 1 февраль, «Татар-информ», Фәрит Салихов). Бүген Казан (Идел буе) федераль университеты базасында «Россия торак тармагында ислам финанс моделен куллануның хокукый шартлары» темасына фәнни-гамәли түгәрәк өстәл узды. Чара халыкара дәрәҗәдә оештырылды – түгәрәк өстәл янына «сыймаганнар» белән белән интернет аша аралашу мөмкинлеге дә тудырылган иде.

Чараның кереш өлешендә оештыручылар җиткергәнчә, түгәрәк өстәл янына җыелып сөйләшүнең төп максаты – әлеге мәсьәләдә булган тәҗрибәне ныгыту.

«Торак алуда шәригать буенча финанс ярдәме күрсәтү мәсьәләсен күтәреп чыгу, практик эш юнәлешләре буенча фикер алышуны хуплап кабул иттек», – диде үз чыгышында Татарстан мөфтиенең беренче урынбасары Рөстәм хәзрәт Вәлиуллин.

Фикер алышучылар әйтүенчә,  рөхсәт ителгән финанс чарасын кулланып, мөселманнарны торак белән тәэмин итү - мөселман җәмәгатьчелегенең иң мөһим мәсьәләләренең берсе. Шуңа да түгәрәк өстәл янына Татарстанның хокук һәм икътисад өлкәсендә әйдәп баручы белгечләре, ислам хокуклары буенча Россия төбәкләре һәм чит илләрдән вәкилләр, дин әһелләре, банк хезмәткәрләре дә җыелган.

Сүз уңаеннан, фәнни-гамәли чара Россия Ислам университеты теләктәшлегендә КФУның юридик факультеты, Татарстан мөселманнары Диния нәзарәте, РФ Мөселман эшкуарлары ассоциациясе тарафыннан оештырылган.

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Данил Салихов "Фидакарь хезмәте өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Мирфатыйх Зәкиев һәм Рүзәл Йосыпов Фәннәр академиясенең алтын медале белән бүләкләнде

Рүзәл Йосыпов Татарстан Республикасы Фәннәр академиясенең алтын медален дәүләт бүләкләренән артык күрүен әйтте.