Икътисад, Рәсми Татарстан

Иран консуллыгы “Татар-информ”га нәтиҗәле хезмәттәшлек өчен рәхмәт белдерде

Казанда Иран генераль консулы вазифасын башкаручы Алибеман Эгбали Зарч “Татар-информ” мәгълүмат агентлыгында булды.
01.02 20:16

(Казан, 1 февраль, “Татар-информ”, Рөстәм Килсинбаев). Казанда Иран генераль консулы вазифасын башкаручы Алибеман Эгбали Зарч “Татар-информ” мәгълүмат агентлыгында булды һәм нәтиҗәле хезмәттәшлек өчен рәхмәт белдерде. Дипломат агентлыкның генераль директоры Шамил Садыйков белән очрашты һәм “Татар-информ” корреспондентына интервью бирде.

Очрашуның имам Хомейниның Париждан Иранга кайтуына бер ел булган көнне һәм Ислам революциясе җиңү көне алдыннан узуы игътибарга лаек, дип билгеләп үтте Алибеман Эгбали Зарч. Бүгенге көннән башлап 11 февральгә кадәр Иранда бәйрәм бара - Дахе-е фаджр (ун көн -ред. иск.).
Россия һәм Иран арасындагы мөнәсәбәтләр бүгенге көндә искиткеч яхшы чорны кичерә, дип саный генераль консул вазифасын башкаручы.

“Соңгы 4-5 гасыр эчендә бүгенгедәй матур мөнәсәбәтләр булганы юк иде”, - диде ул.

Россия-Иран элемтәләрен үстерүдә зур рольне массакүләм матбугат чаралары уйный, дип исәпли дипломат. Алибеман Эгбали Зарч “Татар-информ” генераль директорына хезмәттәшлек һәм Казандагы Иран Ислам Республикасы Генераль консуллыгына мәгълүмати ярдәме өчен рәхмәтен җиткерде.

“Сүз дә юк, товар әйләнешенә, Россия һәм Иран арасындагы үзара ике яклы хезмәттәшлеккә кагылышлы төп факторлар, ахыргача өйрәнелмәгән әле. Эшмәкәрлек теле белән әйтсәк, Иран-Россия багланышларында әлегә ниндидер бренд булдырылмаган. Бу яктан нәкъ менә сезнең роль бик мөһим”, - диде дипломат.

“Татар-информ”ны укучыларда яңалыклар, дустанә Иран турында мәгълүмат, Россия-Иран багланышлары зур кызыксыну уята, дип билгеләп үтте Шамил Садыйков.

“Безнең агентлыкка сезнең һәр килүегез - көтеп алынган вакыйга ул. Ике республика арасында якынаю һәм дуслык мөнәсәбәтләре урнаштыру буенча эшчәнлекнең сезнең җитәкчелектә уңышлы баруына без шаһит”, - дип билгеләп үтте ул. 

КӨН ҮЗӘГЕНДӘ

Тел, әдәбият һәм сәнгать институты тарафыннан 2017 елда 69 китап әзерләп чыгарылган

2017 ел - бер яктан, үзебезнең уңышлар, икенче яктан, республикада академик фәнгә мөнәсәбәтнең уңай булуы, ди институт директоры.

22 февральнең төп вакыйгалары - фото һәм сылтамалар

Республикада Ватанны саклаучылар көне билгеләп үтелде, туган тел мәсьәләсе көн үзгендә, Рәфикъ Юныс «Фидакарь хезмәт өчен» медале белән бүләкләнде.

#атнабай флешмобына Динар Хөснетдинов кушылды

Ул Әнгам Атнабаевның "Мәсьәлә" шигырен укый.

"Татар-информ" журналисты россиякүләм бәйгедә лауреат исеменә лаек булды

Конкурсның максаты - яшь журналистларны халыкара глобаль дәрәҗәдәге проблемаларга җəлеп итү.

Мөселман психологлары ассоциациясе: Эшебездә иң мөһиме - психологик ярдәм күрсәтү

“Психологик ярдәм үзәге” ачу теләген дәүләт акчасына һәм грантлар отып чынга ашырырга өметләнәбез, – диде төбәкара вәкиллек җитәкчесе Ольга Павлова.