Рәсми Татарстан

Сталинград янында җиңүгә 75 ел булу уңаеннан Татарстан Президентының халыкка мөрәҗәгате

"Бу зур җиңү Россиянең дошманнарына - гыйбрәтле сабак, ә безнең барыбыз өчен һәрчак горурлык булсын!" - диелә мөрәҗәгатьтә.
02.02 08:01

(Казан, 2 февраль, "Татар-информ"). Татарстан Республикасы Президенты Рөстәм Миңнеханов, Сталинград янындагы җиңүгә 75 ел булу уңаеннан, республика халкына мөрәҗәгать итте. 

"Хөрмәтле татарстанлылар!

Идел ярларында Сталинград янындагы зур сугыш тәмамлануга җитмеш биш ел узды.

Ярты ел диярлек дәвам иткән бу дәһшәтле орыш Бөек Ватан сугышы, гомумән Икенче Бөтендөнья сугышы барышында тамырдан борылышка этәргеч бирде.

Сталинград янында дошман көчләрен юк итү сугышчыларның батырлыгы һәм көчле рухы, гаскәр башлыкларының таланты һәм осталыгы символына әйләнде.

Мондый зур казанышка тыл хезмәтчәннәренең үз-үзләрен аямыйча, чыдамлык һәм тырышлык белән эшләүләре нәтиҗәсендә дә ирешелде.

Әлеге бөек җиңүдә Татарстанның да саллы өлеше бар. Республикабызның меңәрләгән уллары һәм кызлары, шәһәрне саклап, каһарманнарча көрәште. Казаннан элекке эшче, 265 гитлерчыны шәхсән юк иткән снайпер Анатолий Чеховның исеме данга күмелде. Күпләргә таныш «Павлов йортын» саклаганда, фашистларның байтак танкларын һәм башка техникасын сафтан чыгарган ефрейтор Рамазанов һәм кызылармияче Шкуратов батырлыгы, телдән-телгә сөйләнеп, тарих сәхифәләренә язылды. Советлар Союзы Герое Фәрит Фәтхуллин командалык иткән истребительләр полкы сугышчылары куелган бурычларны һәрбер хәрби очышта җиренә җиткереп үтәргә тырышты.

Армияне барлык кирәк-ярак, корал, кием, азык-төлек белән тәэмин итүдә ТАССРның предприятиеләре һәм оешмалары да зур булышлык күрсәтте. Ул чорда тыл чын мәгънәсендә икенче фронтка әйләнгән иде.

Ветераннарыбызны, хәрби-патриотик оешмаларда катнашучыларны, сугышчан тарих музее хезмәткәрләрен һәм барлык татарстанлыларны Сталинград янында немец-фашист гаскәрләрен тар-мар итүнең 75 еллыгы уңаеннан чын күңелдән тәбрик итәм. Бу зур җиңү Россиянең дошманнарына - гыйбрәтле сабак, ә безнең барыбыз өчен һәрчак горурлык булсын!

 Татарстан Республикасы Президенты Р.Н. Миңнеханов", - диелә Cталинград янында җиңүгә 75 ел булу уңаеннан республика халкына мөрәҗәгатьтә.

КӨН ҮЗӘГЕНДӘ

25 майның төп вакыйгалары - фото һәм сылтамалар

Петербург форумы куелган бурычларны үтәде, туган телләрне укыту турындагы закон проекты буенча аңлашу бар, Казан Чемпионатка әзерләнә.

КФУның “Мизгел” яшьләр театры актерларга кастинг игълан итә

Кастинг Филология һәм мәдәниятара багланышлар институты бинасында узачак.

Т.Миңнуллина: Петербург халыкара икътисадый форумында "биш"кә эшләдек

Форумның иң мөһим нәтиҗәләренең берсе – ”КАМАЗ” белән 46,5 млрд сумлык килешү һәм Түбән Камада яңа олефин комплексын финанслау.

Татарстанның мордва милли җәмгыяте рәисе: Телләрне ихтыяри укыту милләтләрне юк итәчәк

Һәр милләткә туган телендә укырга мөмкинлек бирергә кирәк, дип саный Наталья Сабитова.

Россиядә туган телләргә ярдәм итүче федераль фонд төзелергә мөмкин – Илдар Гыйльметдинов

Бүген Россиянең мәгариф системасында өйрәнелә торган 30 телнең җидесендә генә дәреслекләр бар, дип белдерде депутат.