Дин

Эшкуар-мөселманнар ассоциациясе президенты исламда торак алуга бәйле фикерен җиткерде

«Ислам ипотекасы»ның төп кимчелеге – аның кыска вакытка бирелүе.
02.02 12:40

(Казан, 2 февраль, «Татар-информ», Фәрит Салихов). «Ислам ипотекасы»ның төп кимчелеге – аның кыска вакытка бирелүе. Россия эшкуар-мөселманнар ассоциациясе президенты Айдар Шаһимәрданов Казан (Идел буе) федераль университеты базасында «Россия торак тармагында ислам финанс моделен куллануның хокукый шартлары» темасына узган фәнни-гамәли түгәрәк өстәл вакытында шундый фикер җиткерде.

«2005 елда Мәскәүдә, ул вакытта бердәнбер Ислам банкы булган Бадр-Форте теләктәшлеге белән, «Мэнзил» кулланучылар җәмгыяте теркәлүе мәгълүм. Аның максаты – мөселманнар өчен торак алуда хәләл программаны тормышка ашыру иде», – дип сөйләде Айдар Шаһимәрданов.

Конференция "Правовые условия применения исламских финансовых моделей в жилищной сфере"

Аның сүзләренчә, мөселман дөньясында популярлык казанырга тиешле әлеге финанс инструментына комачаулык тудыра торган кайбер модельләр дә бар һәм аларга җәмәгатьчелек игътибарын җәлеп итү кирәк.

«Программаның төп кимчелекләренең берсе – аның кыска вакытны колачлавы. Чөнки башта клиент бурычны 5 елда капларга тиеш иде. Соңрак ул вакыт 7 елга җиткерелде. Шулай да бу һәр кешенең көченнән килми. Бүген без шул проблемаларны хәл итү юлларын эзләргә тиеш», – диде ул.

Белешмә өчен: дөньяда «ислам ипотекасы» принциплары барлыкка килү вакытын барласак, 1975 елда Канаданың Галифакс шәһәрендә (Яңа Шотландия провинциясе) мөселманнар төркеменең беренче тапкыр базарда «ислам ипотекасы» тәкъдим итүе билгеле. Өч елдан инде ислам буенча ипотека килешүе нигезендә беренче йорт сатып алына. Әмма бу проект бик аз кешене генә үзенә җәлеп итә.

КӨН ҮЗӘГЕНДӘ

25 майның төп вакыйгалары - фото һәм сылтамалар

Петербург форумы куелган бурычларны үтәде, туган телләрне укыту турындагы закон проекты буенча аңлашу бар, Казан Чемпионатка әзерләнә.

КФУның “Мизгел” яшьләр театры актерларга кастинг игълан итә

Кастинг Филология һәм мәдәниятара багланышлар институты бинасында узачак.

Т.Миңнуллина: Петербург халыкара икътисадый форумында "биш"кә эшләдек

Форумның иң мөһим нәтиҗәләренең берсе – ”КАМАЗ” белән 46,5 млрд сумлык килешү һәм Түбән Камада яңа олефин комплексын финанслау.

Татарстанның мордва милли җәмгыяте рәисе: Телләрне ихтыяри укыту милләтләрне юк итәчәк

Һәр милләткә туган телендә укырга мөмкинлек бирергә кирәк, дип саный Наталья Сабитова.

Россиядә туган телләргә ярдәм итүче федераль фонд төзелергә мөмкин – Илдар Гыйльметдинов

Бүген Россиянең мәгариф системасында өйрәнелә торган 30 телнең җидесендә генә дәреслекләр бар, дип белдерде депутат.