Сәясәт

Үзәк сайлау комиссиясе Владимир Путинны яклап җыелган имзаларны тикшерде

Тикшерү турындагы беркетмәне 4 февральдә вәкаләтле затка тапшырачаклар.
02.02 17:45

(Казан, 2 февраль, «Татар-информ»). Үзәк сайлау комиссиясе эшче төркеме Россия президентлыгына кандидат Владимир Путинны яклап җыелган имзаларны тикшерде, дип хәбәр итә ТАСС агентлыгы.

«Нәтиҗәдә, 232 имза Үзәк сайлау комиссиясе билгеләгән нормаларга туры килми дип табылды. Бу – без тикшергән имзаларның 0,39 процентын тәшкил итә», - диде комиссия рәисе урынбасары Николай Булаев.

«Бу – яраксыз дип табылган имзаларның бик аз күләме. Узган сайлау кампаниясендә алар 1 проценттан бераз артыграк иде», - дип өстәде Үзәк сайлау комиссиясе рәисе урынбасары.

Аның сүзләренчә,  тикшерү турындагы беркетмәне 4 февральдә вәкаләтле затка тапшырачаклар.

Шунысын да искәртик: сайлауда үз-үзләрен кандидат итеп күрсәтүчеләргә 300 мең имза тапшырырга кирәк иде. Үзәк сайлау комиссиясе шуларның 60 меңен тикшерергә тиеш.

Владимир Путиннан тыш, Үзәк сайлау комиссиясенә парламентныкы булмаган партияләрдән күрсәтелгән кандидатлар да имзалар тапшырды. Аларның һәркайсына 100 мең имза җыярга кирәк иде. Эшче төркем тикшерү нәтиҗәләрен дүшәмбе һәм сишәмбе көннәрендә игълан итәчәк.
 

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Мирфатыйх Зәкиев һәм Рүзәл Йосыпов Фәннәр академиясенең алтын медале белән бүләкләнде

Рүзәл Йосыпов Татарстан Республикасы Фәннәр академиясенең алтын медален дәүләт бүләкләренән артык күрүен әйтте.

Соңгы елларда хаҗга яшьләр күбрәк бара башлаган

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.