Дин

Мөфти һәм ТР Диния нәзарәте делегациясе Пәйгамбәр мәчетендә җомга намазы укыды

Татарстан Диния нәзарәтенең рәсми делегациясе Король Сәлман ибн Габдел-Газиз Әл Саудның чакыруы буенча Согуд Гарәбстанына сәфәр кыла.
02.02 19:33

(Казан, 2 февраль, «Татар-информ»). Татарстан мөфтие Камил хәзрәт Сәмигуллин һәм Татарстан мөселманнары Диния нәзарәтенең рәсми делегациясе әгъзалары бүген Мәдинәдә Пәйгамбәр салләллаһу галәйһи вә сәлләм мәчетендә җомга намазын укыды. Бу хакта Татарстан мөселманнары Диния нәзарәтенең матбугат хезмәте хәбәр итә.

Җомга намазын дөньядагы өч изге мәчетнең берсендә уку зур әһәмияткә ия. Кайсы да булса мәчеттә җәмәгать белән укылган намаз өйдә ялгыз укылганына караганда егерме җиде тапкырга өстенрәк. Әмма, дөньядагы барлык мәчетләрне алып карасак, мөселман кешесе тормышында өч иман йорты аерым урынны били, аларда укылган намаз өчен савап күпкә артыграк языла. Пәйгамбәребез Мөхәммәд (с.г.в.с.) болай дигән: «Әгәр юлга чыгуның максаты Тыю мәчетенә (Мәккәдә урнашкан Әл-Хәрәм мәчете), Минем мәчеткә (Мәдинәдә урнашкан Пәйгамбәр мәчете) һәм Читтәге мәчеткә (Кодустагы Әл-Әкъса мәчете) керү булмаса, сәфәр чыгуның мәгънәсе юк». Пәйгамбәр салләллаһу галәйһи вә сәлләм мәчете – әһәмияте ягыннан икенче урындагы мәчет. Анда укылган намаз, гадәти иман йортында укуга караганда, 1000 тапкырга саваплырак.

Шушы көннәрдә Татарстан мөселманнары Диния нәзарәтенең рәсми делегациясе Король Сәлман ибн Габдел-Газиз Әл Саудның чакыруы буенча Согуд Гарәбстанына сәфәр кыла. Сәфәр кысаларында Татарстан делегациясе Әл-Хәрәм мәчете имамы белән очрашачак, шулай ук аерым игътибарга лаеклы һәм билгеле урыннарда – Шүхәдә Үһүд кабере, Куба мәчете, Коръән-Кәримне бастыру буенча Король Фәхед исемендәге комплекс, Король Габдел-Газиз исемендәге Кәгъбәтуллаһ япмасын әзерләү комплексы, «Әл-Кур» паркында булачак. 

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Данил Салихов "Фидакарь хезмәте өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Мирфатыйх Зәкиев һәм Рүзәл Йосыпов Фәннәр академиясенең алтын медале белән бүләкләнде

Рүзәл Йосыпов Татарстан Республикасы Фәннәр академиясенең алтын медален дәүләт бүләкләренән артык күрүен әйтте.