Икътисад

«ИнтехБанк» һәм ТФБ кертемчеләренең акчаларын кире кайтарып алу таләбе тикшереләчәк

Моның өчен прокурорлар Үзәк банктан банкротлыкка чыккан оешмаларда картотека башлануның төгәл датасын сораячак.
03.02 09:44

(Казан, 3 февраль, «Татар-информ»). Татарстан прокуратурасы Кертемнәрне иминиятләштерү агентлыгының «ИнтехБанк» һәм ТФБ ябылыр алдыннан алынган акчаларны кайтару турындагы таләбенең законлы булуын тикшерәчәк. Моның өчен прокурорлар Үзәк банктан банкротлыкка чыккан оешмаларда картотека башлануның төгәл датасын сораячак. Республика Президенты Рөстәм Миңнеханов катнашында узган киңәшмә нәтиҗәләре буенча шундый карар кабул ителгән. Бу хакта Татарстан Икътисад министрлыгы матбугат хезмәте хәбәр итә.

Бу киңәшмә, республика прокуратурасына Татарстан Икътисад министрлыгы белән Татарстан Президенты каршындагы Эшкуарлар хокукларын яклау буенча вәкаләтле вәкилдән мөрәҗәгать килгәч, үткәрелде.

Элегрәк Кертемнәрне иминиятләштерү агентлыгы ТФБ һәм «ИнтехБанк»ның зыян күрмәгән кертемчеләренә каршы  судка күпсанлы дәгъвалар биргән иде. Банк картотекасы булдырылгач, кертемчеләр үз акчаларын алырга тиеш түгел иде, дип саный Кертемнәрне иминиятләштерү агентлыгы.


 

 

КӨН ҮЗӘГЕНДӘ

"Мирас" фестивале Яруллиннар династиясен искә ала

Фестивальнең икенче концертында Заһидулла, Фәрит һәм Мирсәет Яруллиннар әсәрләре яңгырый.

Питрәчтә Кәримовлар хуҗалыгында 14 баш эре мөгезле терлек бар

"Сыерларның барысын да сауганда, һәр көнне 200 литр сөт алабыз", - дип сөйләгән хуҗабикә.

Мәскәү салкыннары Татарстанга килә

23-28 февральдә Россия башкаласында уртача температура нормадан 7-12 градуска кимрәк булачак.

"Белем җәүһәрләре" бәйгесенә гаризалар кабул итү башланды

Дөньякүләм бәйгегә "ВКонтакте социаль челтәре җәүһәрләре" дигән яңа номинация өстәлгән.

Казанбаш мәктәбе укучылары агулану буенча тикшерү төгәлләнгән

Арча районында гаеплеләр җәзага тартылган.