Рәсми Татарстан

Рөстәм Миңнеханов Архангельск өлкәсе губернаторы Игорь Орлов белән очрашты

Республика делегациясе Архангельск шәһәрендә «Нур Ислам» тарихи мәчетен ачуга багышланган рәсми тантаналарда катнашырга килде.
03.02 17:49

(Казан, 3 февраль, “Татар-информ”). Татарстан Республикасы Президенты Рөстәм Миңнеханов бүген Архангельск өлкәсенә эш сәфәре кысаларында Архангельск өлкәсе губернаторы Игорь Орлов белән очрашты. Очрашу Архангельск өлкәсе Хөкүмәте йортында узды. Республика делегациясе Архангельскта «Нур Ислам» тарихи мәчетен ачуга багышланган рәсми тантаналарда катнашырга килде. Бу хакта Татарстан Президенты матбугат хезмәте җиткерә.

Татарстан Республикасы делегациясе составында – Татарстан Республикасы Премьер-министры урынбасары Васил Шәйхразиев, «Ак Барс» холдинг компаниясе» АҖ генераль директоры Иван Егоров, Яшел Үзәннең «А.М.Горький исемендәге суднолар төзү заводы» АҖ генераль директоры Ренат Мистахов.

Татарстан Республикасы Президентын сәламләп, Архангельск өлкәсе башлыгы билгеләп үткәнчә, төбәкләр арасында яхшы партнерлык мөнәсәбәтләре урнашкан.

"Үткән ел без «Казан» су асты көймәсен эллингтан чыгардык, ел саен Архангельскта «Сабантуй» татар халык бәйрәме уздырыла, ә бүген төбәк һәм ислам тарихына кереп калачак уникаль вакыйга булачак. Иң төньякта урнашкан мәчет тарихи урынында торгызылды", – диде Игорь Орлов.

Рөстәм Миңнеханов үз чиратында Архангельск өлкәсе губернаторына төбәктә милләтара һәм динара татулык булдырган өчен рәхмәт белдерде. Татарстан Республикасы Президенты республикада мәчетләр һәм храмнар төзү, шул исәптән Казан Мәрьям Ана иконасы соборын торгызу турында сөйләде, .

Бүген Архангельск өлкәсе белән Татарстан Республикасы арасында транспорт, агросәнәгать комплексы һәм сәүдә, яшьләр сәясәте, туризм өлкәләрендә хезмәттәшлек уңышлы үсә.

"Безнең сәүдә-икътисадый мәсьәләләребез үсә, төбәкләр арасында сәүдә әйләнеше дүрт миллиард сум тәшкил итә, әмма резервлар зур әле. Киләчәктә башка юнәлешләрдә дә эшләргә кирәк. Безнең яктан – суднолар төзелеше, “КАМАЗ”лар, нефть химиясе һәм азык-төлек продукциясе, сездән – целлюлоза, катыргы, урман һәм балык продукциясе. Сезнең төбәкнең потенциалы гаять зур, һәм хезмәттәшлек үсеше өчен мөмкинлекләр бар", – диде Рөстәм Миңнеханов.

 

КӨН ҮЗӘГЕНДӘ

18 августның төп вакыйгалары - фото һәм сылтамалар

М.Шәймиев пенсия реформасының котылгысыз булуын әйтте, Р.Миңнеханов Мәскәүдә сәнгать осталары концертын карады, Оренбургта "Мулла" фильмын күрсәтәләр.

Оренбургта "Мулла" фильмы күрсәтеләчәк

Кинотасма "Восток&Запад" кинофестивалендә тәкъдим ителә.

Минтимер Шәймиев пенсия реформасына карата фикерен җиткерде

Ул реформаның котылгысыз булуын билгеләп узды.

Рөстәм Миңнеханов Мәскәүдә сәнгать осталары концертын карады

Чарада Мәскәү мэры Сергей Собянин катнашты.

Кызыл Байрак авылында композитор Салих Сәйдәшевне искә алдылар

“Сәйдәш аланы” дип исемләнгән сәнгать бәйрәме быел ундүртенче тапкыр үткәрелә.