Рәсми Татарстан, Дин

Тынычлык һәм килешеп эшләү – теләсә кайсы эшчәнлекне үстерүнең төп нигезе - президент

Р.Миңнеханов Архангельск шәһәрендә «Нур Ислам» тарихи мәчетен ачуга багышланган рәсми тантанада катнашучыларга шулай дип мөрәҗәгать итте.
03.02 18:03

(Казан, 3 февраль, “Татар-информ”). Бүген Татарстан Республикасы делегациясе Архангельск шәһәрендә «Нур Ислам» тарихи мәчетен ачуга багышланган рәсми тантаналарда катнашырга килде. Бу хакта Татарстан Президенты матбугат хезмәте җиткерә.

Татарстан Республикасы делегациясе составында – Татарстан Республикасы Премьер-министры урынбасары Васил Шәйхразиев, «Ак Барс» холдинг компаниясе» АҖ генераль директоры Иван Егоров, Яшел Үзәннең «А.М.Горький исемендәге суднолар төзү заводы» АҖ генераль директоры Ренат Мистахов та бар.

Рөстәм Миңнеханов, мәчетне ачу тантанасында катнашучыларга мөрәҗәгать итеп: “Нур Ислам” мәчете – тарихи җирлеккә бик туры килә - ул рус төньягына хас агач скульптура әсәрләренең бер үрнәге”, - диде, моңа аерым игътибарны юнәлтеп.

“Тынычлык һәм үзара килешеп эшләү – теләсә кайсы эшчәнлекне үстерүнең төп нигезе булып тора, - диде Татарстан Президенты, сүзен дәвам итеп. – Илебездә төрле милләт һәм дин кешеләренең гасырлар дәвамында тынычлык һәм дуслыкта яшәве - башка илләр өчен дә үрнәк”.

Архангельск өлкәсе губернаторы Игорь Орлов үз чиратында : “Бүген тарихи гаделлек торгызылды. Мөселман общинасы үзенең рухи йортын яңадан булдырды. Әмма бу вакыйга, милләте һәм диненә карамастан, һәркайсыбыз өчен мөһим вакыйга булы тора. Мечет, гыйбадәтханә ачылу - рухи яңарышның  бер дәлиле “, - дип билгеләп узды.

Тантаналы чара кысаларында мөфти Равил Гайнетдин Архангельск өлкәсе губернаторы Игорь Орловка, Архангельск өлкәсе татар милли-мәдәни автономиясе төбәк рәисе Рим Кәлимуллинга, “Ак Барс” АҖ холдинг компаниясе генерал директоры Иван Егоровка , Яшел Үзәндәге "М.Горький исемендәге суднолар төзү заводы" генераль директоры Ренат Мистаховка Россия мөселманнары югары орденын тапшырды.

Равил Гайнетдин “Нур Ислам” мәчете рухи һәм җәмгыять тормышы үзәгенә әверелер, дигән ышаныч белдерде.
 

КӨН ҮЗӘГЕНДӘ

Разил Вәлиев туган телләрне ирекле өйрәнү турында закон проектын хупламаска тәкъдим итте

Татарстан Дәүләт Советына “Россия Федерациясе Мәгариф турындагы законга үзгәрешләр кертү турында” закон проекты килеп иреште.

Татарстан Премьер-министры Казанда ITSF XII Бөтенроссия форумын ачты

Казанның «Корстон» комплексында мәгълүмати куркынычсызлык өлкәсендәге актуаль мәсьәләләр хакында фикер алышачаклар.

Калмык халкына туган телне оныту куркынычы янамый – калмык журналисты

Менке Конеев фикеренчә, калмыклар туган телләрен өйрәнергә тиешләр һәм алар өйрәнәчәкләр дә.

Уфада композитор Алик Локмановның иҗат кичәсе узачак

Татарстанның атказанган сәнгать эшлеклесенең иҗатына багышланган программа “Җырларга күчкән җаным” дип атала.

Оренбургта "Татар кызы" бәйгесендә катнашучылардан гаризалар кабул итү тәмамлана

Җиңүче көз айларында Казанда узачак Халыкара бәйгедә үзе яшәгән төбәк исеменнән чыгыш ясаячак.