Рәсми Татарстан

Рөстәм Миңнеханов Дагыстанда эш сәфәрендә

Ике төбәк арасында хезмәттәшлек турында килешүләр имзалау да булачак.
05.02 07:11

(Казан, 5 февраль, "Татар-информ"). Кичә Татарстан Республикасы Президенты Рөстәм Миңнеханов Дагыстан Республикасына килде. Махачкала халыкара аэропортында аны Дагыстан Республикасы Башлыгы вазифаларын вакытлыча башкаручы Владимир Васильев каршы алды. Бу турыда Татарстан Президенты матбугат хезмәте хәбәр итә.

Бүген, 5 февраль көнне, Рөстәм Миңнеханов Дагыстанда берничә предприятие эшчәнлеге белән танышырга планлаштыра. Аерым алганда, "Мараби" керамик гранит һәм плитка производствосы, Каспий табаклы пыяла заводы, Дербент коньяк комбинаты һәм башкалар.

Шулай ук эш программасында республикадагы иң эре Күп функцияле дәүләт һәм муниципаль хезмәт күрсәтү үзәгендә булу, Дагыстанның туристик үзәге - борынгы Нарын-кала да бар.

Ике төбәк арасында багланышлар өчен төп юнәлешләрне Татарстан Президенты Рөстәм Миңнехановның Дагыстан Башлыгы вазифаларын вакытлыча башкаручы Владимир Васильев белән очрашуында билгеләү көтелә. Очрашу ахырында хезмәттәшлек турында килешүләр имзалау да булачак.  

КӨН ҮЗӘГЕНДӘ

18 августның төп вакыйгалары - фото һәм сылтамалар

М.Шәймиев пенсия реформасының котылгысыз булуын әйтте, Р.Миңнеханов Мәскәүдә сәнгать осталары концертын карады, Оренбургта "Мулла" фильмын күрсәтәләр.

Оренбургта "Мулла" фильмы күрсәтеләчәк

Кинотасма "Восток&Запад" кинофестивалендә тәкъдим ителә.

Минтимер Шәймиев пенсия реформасына карата фикерен җиткерде

Ул реформаның котылгысыз булуын билгеләп узды.

Рөстәм Миңнеханов Мәскәүдә сәнгать осталары концертын карады

Чарада Мәскәү мэры Сергей Собянин катнашты.

Кызыл Байрак авылында композитор Салих Сәйдәшевне искә алдылар

“Сәйдәш аланы” дип исемләнгән сәнгать бәйрәме быел ундүртенче тапкыр үткәрелә.