Икътисад

Казанда быел шәһәрдәге иң зур мәктәп төзеләчәк

"Яз" торак комплексында 1501 укучы кабул итәрдәй мәктәп төзү каралган.
05.02 16:53

(Казан, 5 февраль, “Татар-информ”, Диана Авакян). Казанда быел шәһәрдәге иң зур мәктәп төзеләчәк, дип хәбәр итте мэриядә эшлекле дүшәмбедә шәһәр Башкарма комитеты җитәкчесенең беренче урынбасары Азат Нигъмәтҗанов.

“Хәзерге вакытта дүрт мәктәп төзелеп килә. Икесе 1 мең 224 укучыга. Алар “Салават Күпере“ торак комплексында һәм Нокса үзәнендә сафка баса. 800 укучыга каралган мәктәп “Якты Үзән” ("Светлая Долина”) торак комплексында булачак. Ә Казан шәһәрендәге иң зур мәктәп быел “Яз” (“Весна”) торак комплексында төзелә, ул 1501 укучы кабул итәчәк”, – дип сөйләде Азат Нигъмәтҗанов.

Бүгенге көндә 1501 укучы белем алачак мәктәпне Россия Төзелеш министрлыгының проект реестрына кертү турындагы мәсьәлә хәл ителә. Әгәр дә ул уңай хәл ителсә, мәктәп өчен мәйдан Гареев урамында резервланган, – дип өстәде докладчы.

2018 елда “Яз”, Артсити, “Спорт станциясе” торак комплексларында шулай ук өч балалар бакчасын файдалануга тапшыру күздә тотыла.

КӨН ҮЗӘГЕНДӘ

25 майның төп вакыйгалары - фото һәм сылтамалар

Петербург форумы куелган бурычларны үтәде, туган телләрне укыту турындагы закон проекты буенча аңлашу бар, Казан Чемпионатка әзерләнә.

КФУның “Мизгел” яшьләр театры актерларга кастинг игълан итә

Кастинг Филология һәм мәдәниятара багланышлар институты бинасында узачак.

Т.Миңнуллина: Петербург халыкара икътисадый форумында "биш"кә эшләдек

Форумның иң мөһим нәтиҗәләренең берсе – ”КАМАЗ” белән 46,5 млрд сумлык килешү һәм Түбән Камада яңа олефин комплексын финанслау.

Татарстанның мордва милли җәмгыяте рәисе: Телләрне ихтыяри укыту милләтләрне юк итәчәк

Һәр милләткә туган телендә укырга мөмкинлек бирергә кирәк, дип саный Наталья Сабитова.

Россиядә туган телләргә ярдәм итүче федераль фонд төзелергә мөмкин – Илдар Гыйльметдинов

Бүген Россиянең мәгариф системасында өйрәнелә торган 30 телнең җидесендә генә дәреслекләр бар, дип белдерде депутат.