Фән һәм мәгариф

Чаллының "Ак мәчете"ндә татар телен өйрәнү буенча беренче дәресләр үтте

Чаллыда татар телен якыннан өйрәнергә 26 кеше килде, алар арасында башка милләт вәкилләренең булуы үзе зур куаныч.
05.02 22:00

(Чаллы, 5 февраль, "Татар-информ", "Шәһри Чаллы"). Чаллының "Ак мәчете"ндә татар телен өйрәнү буенча беренче дәресләр үтте, дип яза җирле басма.

Татарстан Республикасы Диния нәзарәте тәкъдиме белән мондый курслар республикабызның 10 мәчетендә башланып китте. Чаллыда татар телен якыннан өйрәнергә 26 кеше килде, алар арасында башка милләт вәкилләренең булуы үзе зур куаныч. "Ак мәчете" дәресләр атнага ике тапкыр эштән соң, 19.00 сәгатьтән алып 21.00 сәгатькә кадәр узачак.

Бирегә килүчеләр өчен ике юнәлештә сабаклар алып барыла: "Татар теле" һәм " Татарлар тарихы һәм ислам дине нигезләре". Дәресләрне Яр Чаллы педагогия университетыннан филология фәннәре кандидаты, татар теле һәм әдәбияте кафедрасы доценты Ринал Хаҗиев үткәрә.

Тәүге дәрес башланыр алдыннан мәчетнең имам-хатыйбы Рөстәм хәзрәт Шәехвәли үз фатыйхасын бирде. Ул татар телен өйрәнү курсларына йөрүчеләр киләчәктә тагы да артыр, дигән өметен белдерде

КӨН ҮЗӘГЕНДӘ

Татарстан Президенты һәм Тунис Премьер-министры хезмәттәшлек турында сөйләшәчәк

Рөстәм Миңнеханов кыска вакытлы эш сәфәре белән Туниска килде.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Татарстан Президенты җырчы Ландыш Нигъмәтҗановага мактаулы исем бирде

Җырчы яраткан тыңлаучыларына, «Барс-Медиа» компаниясенә, Хөкүмәт җитәкчелегенә рәхмәт әйтә.

Данил Салихов "Фидакарь хезмәт өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына