Рәсми Татарстан

Татарстан Президенты Дербентта иң борынгы мәчеттә булды

Рөстәм Миңнеханов музей комплексы вәкилләрен һәйкәлләрне торгызу буенча Татарстан тәҗрибәсе белән танышырга чакырды.
06.02 07:22

(Казан, 6 февраль, "Татар-информ"). Кичә Татарстан Республикасы Президенты Рөстәм Миңнеханов Дагыстанга эш сәфәре кысаларында Дербент шәһәренең тарихи урыннарында булды. Президент иң борынгы мәчеттә – Дербент Җәмыгъ мәчетендә дә булды. Бу хакта Президентның матбугат хезмәте хәбәр итә.

Әлеге мәчет 733 – 734 елларда төзелгән.Татартсатн Президентын Дагыстан башлыгы вазыйфаларын вакытлыча башкаручы Владимир Васильев озатып йөргән.

 

 Рабочая поездка в Республику Дагестан

Рөстәм Миңнеханов борынгы Нарын-кала кальгәсен дә карады. Объект ЮНЕСКО Бөтендөнья мирасы исемлегенә кертелгән.

Кальгә эчендә мунчалар, керамик торбалардан эшләнгән су белән тәэмин итү системасы, шахлар сарае хәрабәләре сакланып калган. Аерым алганда, Татарстан Республикасы Президенты гауптвахтаны, җир асты төрмәләрен, су резервуарларын һәм башка биналар хәрабәләрен карап чыкты.

Рөстәм Миңнеханов төбәкләр арасында тарихи ядкярләрне саклап калу буенча хезмәттәшлекнең мөһимлеген билгеләп үтте. Ул музей комплексы вәкилләрен борынгы Болгар шәһәре мисалында һәйкәлләрне торгызу буенча Татарстан тәҗрибәсе белән танышырга чакырды.

Шулай ук бүген Рөстәм Миңнеханов Кавказдагы иң борынгы урыннарның берсе – Кырхляр урта гасыр зиратында булды, монда Мөхәммәт пәйгамбәрнең 40 тарафдары җирләнгән.

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Татарстан Дәүләт Советы Рәисе Әлмәт районында яңартылган Мәдәният йорты ачты

Фәрит Мөхәммәтшин клуб эшчәнлеге белән танышты, Мәдәният йортына Татарстан Президентынан бүләк - Сертификат тапшырды.

Татарстан Президенты Туниска хезмәттәшлектә яңа мөмкинлекләрне ачыкларга килүен әйтте

Безнең төбәк Россия белән Тунис арасындагы мөнәсәбәтләргә үз өлешен кертә, диде Рөстәм Миңнеханов Тунис сәүдә министры белән очрашуда.

Дәүләт хезмәтләре порталында эш эзләүчеләр өчен яңа мөмкинлек барлыкка киләчәк

Роман Шәйхетдинов ел азагына кадәр порталда эшли башлаячак яңа сервисларны әйтеп чыкты.