Сәясәт

Үзәк сайлау комиссиясе Владимир Путинны Президентлыкка кандидат итеп теркәде

Путинны яклап 1,6 миллионнан артык имза җыелган, Үзәк сайлау комиссиясенә 314 меңнән артык имза тапшырылган.
06.02 13:00

(Казан, 6 февраль, «Татар-информ»). Үзәк сайлау комиссиясе Владимир Путинны март аенда узачак Президент сайлауларында кандидат итеп теркәде, дип хәбәр итә РИА «Новости» агентлыгы.

Теркәлү вакыты – 11.25. Шуннан соң кандидат таныклыгын аның ышанычлы вәкиленә тапшырганнар.

Гамәлдәге дәүләт башлыгы үзен-үзе кандидат итеп күрсәтә. Теркәлү өчен аңа 300 меңнән дә (өстәвенә, бер төбәктә 7,5 меңнән дә артыграк түгел) кимрәк булмаган имза җыярга кирәк иде.

Путинны яклап 1,6 миллионнан артык имза җыелган, Үзәк сайлау комиссиясенә 314 меңнән артык имза тапшырылган. Үзәк сайлау комиссиясе башлыгы урынбасары Николай Булаев искәрткәнчә, комиссия тиешле таләпләргә җавап бирми торган нибары 232 имза тапкан. Бу – тикшерү өчен сайлап алынган имзаларның 0,39 процентын тәшкил итә.

Якшәмбе көнне имзаларны тикшерү нәтиҗәләре турындагы беркетмәне кандидатның ышанычлы вәкиленә тапшырганнар.

Россия Президентын сайлаулар 18 мартта узачак. Моңа кадәр Үзәк сайлау комиссиясе ике кандидатны теркәгән иде инде. Алар – ЛДПР лидеры Владимир Жириновский һәм КПРФтан Павел Грудинин. Парламент партияләреннән кандидат итеп күрсәтелгәнлектән, аларга теркәлү өчен үзләрен яклап имза җыярга кирәк түгел иде.
 

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Мирфатыйх Зәкиев һәм Рүзәл Йосыпов Фәннәр академиясенең алтын медале белән бүләкләнде

Рүзәл Йосыпов Татарстан Республикасы Фәннәр академиясенең алтын медален дәүләт бүләкләренән артык күрүен әйтте.

Соңгы елларда хаҗга яшьләр күбрәк бара башлаган

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.