Авыл

Россиядә җир законнарына үзгәрешләр кертелде

Үзгәрешләр 2018 елның 1 апреленнән һәм 2019 елның 1 гыйнварыннан үз көченә керәчәк.
06.02 13:23

(Казан, 6 гыйнвар, “Татар-информ”, Чулпан Шакирова). Россиядә җир законнарына үзгәрешләр кертелде. Бу хакта “Татар-информ”га Татарстан Авыл хуҗалыгы министрлыгының Җир һәм милек мөнәсәбәтләре башлыгы Александр Дружин хәбәр итте.

“2017 елның 29 декабрендә, Россия Федерациясе Дәүләт Думасы тарафыннан “Авыл хуҗалыгы билгеләнешендәге җирләр әйләнеше турында” Федераль законның 1 һәм 14.1 маддәләренә үзгәрешләр кертү хакында 447-ФЗ номерлы Федераль закон кабул ителде. 1 маддәгә үзгәрешләр 2019 елның 1 гыйнварыннан, ә 14.1 статьяга 2018 елның 1 апреленнән үз көченә керә", – диде Дружин.

Төзәтмәләр өлешле милектә катнашучылар белән гомуми җыелышлар үткәрү, аларга хәбәр итү, җыелыш беркетмәләрен регламентлау өлешләренә һәм башкаларга кагыла.

Әйтик, өлешле милекчеләр гомуми җыелыш үткәрү турында хәбәрне хәзер муниципаль берәмлекләрнең сайтыннан да укып белә ала. Моңа кадәр әлеге белдерүләр район газетасында гына басыла иде.

Гомуми җыелышта бары тик көн тәртибенә кертелгән мәсьәләләр буенча гына карарлар кабул ителә. Элек җыелышта барлык милекчеләрнең 20 проценты катнашса, ул тулы хокуклы узган санала иде. Хәзер исә мондый төр җыелышта пайчыларның 50 проценты катнашса гына, ул тулы хокуклы була.

Өлешчеләр катнашында узган гомуми җыелышларның беркетмәләре дә муниципаль берәмлек һәм җирле үзидарәләрнең сайтында бастырылырга тиеш.

"Татар-информ" Татарстанда пай җирләре өчен иң зур аренда түләве Кукмара районында, дип хәбәр иткән иде.

КӨН ҮЗӘГЕНДӘ

“Татарча диктант”ны "Татар-информ" сайты аша онлайн язып булачак

Диктант текстын танылган шагыйрә, Татарстанның атказанган сәнгать эшлеклесе Сания Әхмәтҗанова укыячак.

Рөстәм Миңнеханов Татарстанның Финляндия бизнесы һәм капиталы белән кызыксынуын әйтте

Россия һәм Финляндиянең уңышлы компанияләре вәкилләре "Корстон"да үз предприятиеләре потенциалын күрсәтә.

Рөстәм Миңнеханов киләсе елга "Хәвефсез һәм сыйфатлы юллар" проектына керүче шәһәрне атады

Киләсе елга әлеге программага Түбән Кама керәчәк, диде Татарстан Президенты.

Татарстан Президенты Казан–Чаллы юлы турында: Кама аша күпер кебек хыял иде

Рөстәм Миңнеханов Татарстанның юл төзелеше буенча планнары зур һәм алар тормышка ашырылачак, дип ышандырды.

“Татар-информ”да гошер сәдакасын җыю һәм тарату йомгаклары турында сөйләшәчәкләр

Матбугат конференциясендә Татарстанның баш казые Җәлил хәзрәт Фазлыев катнаша.