Сәясәт

Татарстан икътисад министры Артем Здунов Дагыстан Хөкүмәте рәисе вазифасына кандидат булды

Дагыстан Халык Җыенына Здунов кандидатурасын республика башлыгы вазифаларын вакытлыча башкаручы Владимир Васильев тәкъдим итте.
06.02 14:11

(Казан, 6 февраль, «Татар-информ»). Татарстан икътисад министры Артем Здунов Дагыстан Хөкүмәте рәисе вазифасына кандидат булды. Дагыстан Халык Җыенына аның кандидатурасын республика башлыгы вазифаларын вакытлыча башкаручы Владимир Васильев күрсәтте. Дагыстан Халык Җыены матбугат хезмәтендә әлеге мәгълүматны расладылар. Здунов кандидатурасы иртәгә 14.00 сәгатьтә парламент сессиясендә каралачак.

Артем Здунов 1978 елның 18 маенда Казанда туган. Казан финанс-икътисад институтын тәмамлаган. 2006-2010 елларда «Татарстан Фәннәр академиясенең перспективалы икътисади тикшеренүләр үзәге» дәүләт учреждениесенең фән буенча директор урынбасары булган. 2010 елдан – Татарстан Республикасы икътисад министры урынбасары. 2010 елдан — Татарстан икътисад министры.

Икътисад фәннәре кандидаты. Өйләнгән, улы һәм кызы бар.

Моңа кадәр Дагыстанда республика Премьер-министры вазифаларын вакытлыча башкаручы Абдусамад Гамидовны мошенниклыкта гаепләп кулга алганнар иде. Анда берничә пистолет һәм Калашников автоматы таптылар. 

КӨН ҮЗӘГЕНДӘ

25 майның төп вакыйгалары - фото һәм сылтамалар

Петербург форумы куелган бурычларны үтәде, туган телләрне укыту турындагы закон проекты буенча аңлашу бар, Казан Чемпионатка әзерләнә.

КФУның “Мизгел” яшьләр театры актерларга кастинг игълан итә

Кастинг Филология һәм мәдәниятара багланышлар институты бинасында узачак.

Т.Миңнуллина: Петербург халыкара икътисадый форумында "биш"кә эшләдек

Форумның иң мөһим нәтиҗәләренең берсе – ”КАМАЗ” белән 46,5 млрд сумлык килешү һәм Түбән Камада яңа олефин комплексын финанслау.

Татарстанның мордва милли җәмгыяте рәисе: Телләрне ихтыяри укыту милләтләрне юк итәчәк

Һәр милләткә туган телендә укырга мөмкинлек бирергә кирәк, дип саный Наталья Сабитова.

Россиядә туган телләргә ярдәм итүче федераль фонд төзелергә мөмкин – Илдар Гыйльметдинов

Бүген Россиянең мәгариф системасында өйрәнелә торган 30 телнең җидесендә генә дәреслекләр бар, дип белдерде депутат.