Икътисад

Татарстаннан Мароккога һәм Германиягә шикәр экспортлыйлар

«Агрокөч» акционерлык җәмгыяте ел дәвамында чит илләргә 12 мең тонна шикәр һәм 25 мең тонна чөгендер түбе озатачак.
06.02 15:46

(Казан, 6 февраль, "Татар-информ"). «Агрокөч» АҖ Марокко һәм Германиягә, шулай ук Норвегиягә һәм Урта Азиянең башка илләренә шикәр һәм чөгендер түбе (жом) экспортлауны ачты. Ел дәвамында чит илләргә 12 мең тонна шикәр һәм 25 мең тонна чөгендер түбе озатылачак. Бу турыда Татарстан Республикасы Авыл хуҗалыгы һәм азык-төлек министрлыгы матбугат хезмәте хәбәр итә.

«Шикәр җитештерү юнәлешен үстерү холдинг өчен өстенлекле юнәлешләрнең берсе булып санала. Соңгы ике елда моңа 1 миллиард сумга якын инвестиция кертелде, 2021 елга кадәр тагын 2,2 миллиард сум үзләштерү планлаштырыла. Болар – яңа җайланмалар, сакчыл җитештерү өчен яңа технологияләр, яңа җитештерү системалары. 2017 елда холдинг предприятиеләренең шикәр чөгендере уңышы рекорд дәрәҗәсендә булды, үсеш 60 процентка җитте һәм бу тармакта иң югары уңыш. Шундый күрсәткечләр экспорт юнәлешен үстерү өчен ныклы нигез бирә, бу стратегияне без бүген актив үстерәбез. Яңа технологик процесслар, сыйфатлы орлык материалы, инновацион эшкәртү технологияләре кулланып, без чит ил базарына продукция чыгару күләмнәрен ай саен арттырып, киләчәктә бу юнәлештә Россиядә лидер булуны планлаштырабыз», – дип сөйләде «Агрокөч» АҖ генераль директоры Светлана Барсукова.

2017 елда холдинг агрофирмаларында шикәр чөгендере 34,6 мең га мәйданда чәчелгән иде. Тулаем җыеп алынган уңыш 1,5 млн. тоннадан артык булды. 

КӨН ҮЗӘГЕНДӘ

15 октябрьнең төп вакыйгалары - фото һәм сылтамалар

Роспотребнадзор прививкалардан баш тартмаска өнди, Данил Салиховка "Фидакарь хезмәте өчен" медале тапшырылды, хаҗ кылу өчен юллама бәяләре билгеле.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Данил Салихов "Фидакарь хезмәте өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына

Мирфатыйх Зәкиев һәм Рүзәл Йосыпов Фәннәр академиясенең алтын медале белән бүләкләнде

Рүзәл Йосыпов Татарстан Республикасы Фәннәр академиясенең алтын медален дәүләт бүләкләренән артык күрүен әйтте.