Дин

Диния нәзарәте җитәкчелегенә Кәгъбәтуллаһ өчен япма әзерләүнең эш барышын күрсәттеләр

Әлеге изге эшне биредә Король Габдел-Газиз исемендәге оешма башкара.
06.02 17:26

(Казан, 6 февраль, “Татар-информ”). Татарстан Республикасы мөселманнары Диния нәзарәте делегациясе Согуд Гарәбстаны Корольлегенә рәсми сәфәр кысаларында бүген Мәккәдә Кәгъбәтуллаһ япмасын әзерләү комплексы эшчәнлеге белән танышты. Бу хакта Диния нәзарәте матбугат хезмәте хәбәр итә.

Әлеге изге эшне биредә Король Габдел-Газиз исемендәге оешма башкара. Татарстан мөфтие Камил хәзрәт Сәмигуллин җитәкчелегендәге рәсми делегация әгъзалары үз күзләре белән мөселманнарның изге корылмасы өчен япма әзерләү технологиясе белән танышты һәм үз күзләре белән әлеге комплекста хезмәт куючыларны күрде.

Кисвәне (япма) кара тукымадан ясыйлар. Аннары аның белән Кәгъбәтуллаһның дүрт ягын каплыйлар. Алтын җепләр белән язылган төп язу – шәһадәт сүзләре. Калганнары – Коръән аятьләре. Кәгъбәтуллаһ өчен япмага калынлыгы ике миллиметрдан да ким булмаган 875 квадрат метрлы материя кирәк. Барлык тышкы ягы чиста ефәктән эшләнә, ә эчке катламына ак төстәге каты җептән эшләнгән материал өстиләр. Кәгъбәтуллаһның поясына килгәндә, ул озынлыкка 61 метрга, ә киңлеккә 94 сантиметрга җитә торган 16 өлештән тора.

Япманы комплекс хезмәткәрләре елга бер мәртәбә комплекс хезмәткәрләре ясап элә һәм хаҗ вакытында зөлхиҗҗә аеның тугызынчы көнендә Кәгъбәтуллаһка урнаштыралар. Элекке япманы эксклюзив бүләк сыйфатында бирәләр, яисә ертып хаҗиларга өләшәләр.

Кәгъбәтуллаһка кисвәдән тыш, комплекс шулай ук Пәйгамбәр саллләллаһу галәйһи вә сәлләм бүлмәсе өчен җәймә, Кәгъбәнең эчке бүлмәсе өчен пәрдә, Согуд Гарәбстаны дәүләт әләмнәрен, шулай ук махсус рәвештә тегеп язылган Коръән аятьләре бүләген әзерләү белән шөгыльләнә.

Мөфтият делегациясе шулай ук Хәрәм мәчете музеенда да булды.

Татарстан мөфтияте делегациясе Согуд Гарәбстанында Король Сәлман ибн Габдел-Газиз Әл Сауд чакыруы буенча сәфәр кыла. 

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Мирфатыйх Зәкиев һәм Рүзәл Йосыпов Фәннәр академиясенең алтын медале белән бүләкләнде

Рүзәл Йосыпов Татарстан Республикасы Фәннәр академиясенең алтын медален дәүләт бүләкләренән артык күрүен әйтте.

Соңгы елларда хаҗга яшьләр күбрәк бара башлаган

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.