Сәясәт

Рөстәм Миңнеханов Идел буе федераль округы башлыклары рейтингында беренче урында тора

Республика лидеры катнашкан кайбер чаралар массакүләм матбугат чаралары игътибарын җәлеп иткән.
06.02 19:07

(Казан, 6 февраль, “Татар-информ”). Татарстан Президенты Рөстәм Миңнеханов гыйнвар нәтиҗәләре буенча Идел буе федераль округы башлыклары рейтингында беренче урынында тора. Бу хакта “Медиалогия” компаниясе хәбәр итә.

Республика лидеры катнашкан кайбер чаралар массакүләм матбугат чаралары игътибарын җәлеп иткән. Шулар апасында Россия Президенты Владимир Путин Татарстанда Рөстәм Миңнеханов һәм мөселман дине оешмалары вәкилләре белән очрашу үткәрүе. Шулай ук Путин белән Миңнехановның хастаханәдә Татарстанның Беренче Президенты Минтимер Шәймиевнең хәлен белүе игътибар үзәгендә булды.

Моннан тыш, Татарстан Президенты Мәскәүдә Гайдар форумы-2018дә катнашты һәм Россия Массакүләм коммуникацияләр һәм элемтә министры Николай Никифоров белән "Казан” халыкара аэропортында “Россия Почтасы” логистик үзәген эшләтеп җибәрде.

Рейтингның икенче һәм өченче урыннарында Саратов өлкәсе губернаторы Валерий Радаев һәм Түбән Новгород өлкәсе башлыгы вазифаларын вакытлыча башкаручы Глеб Никитин тора.
 

КӨН ҮЗӘГЕНДӘ

"Мирас" фестивале Яруллиннар династиясен искә ала

Фестивальнең икенче концертында Заһидулла, Фәрит һәм Мирсәет Яруллиннар әсәрләре яңгырый.

Питрәчтә Кәримовлар хуҗалыгында 14 баш эре мөгезле терлек бар

"Сыерларның барысын да сауганда, һәр көнне 200 литр сөт алабыз", - дип сөйләгән хуҗабикә.

Мәскәү салкыннары Татарстанга килә

23-28 февральдә Россия башкаласында уртача температура нормадан 7-12 градуска кимрәк булачак.

"Белем җәүһәрләре" бәйгесенә гаризалар кабул итү башланды

Дөньякүләм бәйгегә "ВКонтакте социаль челтәре җәүһәрләре" дигән яңа номинация өстәлгән.

Казанбаш мәктәбе укучылары агулану буенча тикшерү төгәлләнгән

Арча районында гаеплеләр җәзага тартылган.