Фән һәм мәгариф

Казанда кырым татарлары тарихы һәм мәдәнияте турындагы китаплар тәкъдим ителә

Ш.Мәрҗани исемендәге Тарих институтының Кырым фәнни үзәге Кырым Республикасы белән хезмәттәшлек итә, ди Марат Гыйбатдинов.
07.02 09:38

(Казан, 7 февраль, “Татар-информ”, Мөршидә Кыямова). 13 февральдә 11:00 сәгатьтә Ш.Мәрҗани исемендәге Тарих институтында Кырым фәнни үзәгенең китаплары тәкъдим ителәчәк. Чарага Кырымнан да кунаклар килүе көтелә. Бу хакта “Татар-информ” хәбәрчесенә Ш.Мәрҗани исемендәге Тарих институтының хезмәттәшлек һәм җәмәгатьчелек белән элемтәләр буенча директор урынбасары, Х.Фәезханов исемендәге Милли мәгариф тарихы һәм теориясе үзәге җитәкчесе Марат Гыйбатдинов хәбәр итте.

Татарстан Фәннәр академиясе Ш.Мәрҗани исемендәге Тарих институтының Кырым фәнни үзәге 2014 елда ТР Министрлар Кабинеты һәм Тарих институтының карары буенча ачылган.

Үзәкнең максаты - кырым татарлары һәм Кырымда яшәүче башка халыклар мирасын өйрәнү һәм саклау. Үзәк кырым татарлары һәм Кырымда яшәүче башка милләтләр тарихы буенча архив материалларын эзләү, археологик тикшеренүләрне киңәйтү, фундаменталь хезмәтләр, укыту-методик әсбаплар бастыруны күздә тота.

Татарстан Президенты Рөстәм Миңнеханов һәм Татарстан министрлар Кабинеты ярдәме белән 2015 елдан Кырым фәнни үзәге кырым татарларының тарихи-мәдәни мирасы буенча даими һәм серияле басмалар нәшер итү буенча максатчан эшчәнлек алып бара. Әлеге басмалар Кырым инженер-педагоглар университеты, Бахчасарай тарих-мәдәни һәм археология музей-тыюлыгы, И.Гаспринский исемендәге кырымтатар республика китапханәсе белән берлектә чыгарыла.

Презентация барышында кырым татарларына, республиканың атаклы шәхеесләренә һәм тарихына нисбәтле китаплар, фәнни хезмәтләр, шулай ук гыйльми җыентыклар да тәкъдим ителәчәк. Ул хезмәтләр барысы да рус телендә:

1. “Свод памятников истории, архитектуры и культуры крымских татар”. Том 2. Бахчисарайский район (Симферополь, 2016).

2. Полное собрание сочинений Исмаила Гаспринского. Том. II (Симферополь, 2017).

3. Документы Крымского ханства из собрания Хусейна Фейзханова (Симферополь, 2017).

4. Крымскотатарские арабографические грамматики конца XIX – начала XX вв. Лингвистическое наследие крымских татар. Книга 1 (Белгород, Симферополь, 2017).

5. “Крымское историческое обозрение” (2017, №№ 1–2) - фәнни журнал.

 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Татар галимнәре Габдулла Тукай тәнкыйтьләгән шәхесләргә гадел бәя биргән

Без Тукайны “соңгы инстанциядәге хакыйкать” буларак кабул итәргә күнеккән, ди Татарстан Фәннәр академиясе хезмәткәре Марсель Ибраһимов.

Татарстан Дәүләт Советы Рәисе Әлмәт районында яңартылган Мәдәният йорты ачты

Фәрит Мөхәммәтшин клуб эшчәнлеге белән танышты, Мәдәният йортына Татарстан Президентынан бүләк - Сертификат тапшырды.

Татарстан Президенты Туниска хезмәттәшлектә яңа мөмкинлекләрне ачыкларга килүен әйтте

Безнең төбәк Россия белән Тунис арасындагы мөнәсәбәтләргә үз өлешен кертә, диде Рөстәм Миңнеханов Тунис сәүдә министры белән очрашуда.