Дин

Татарстан мөфтие Мәккәдә Әл-Хәрәм мәчете имамы белән очрашты

Дин әһелләре барлык дин кардәшләребезнең, Җир шарының кайсы почмагында яшәвенә карамастан, бердәмлектә һәм теләктәшлектә булырга тиешлеген җиткерде.
07.02 11:46

(Казан, 7 февраль, “Татар-информ”). Татарстан мөфтие Камил хәзрәт Сәмигуллин җитәкчелегендә Татарстан мөселманнары Диния нәзарәте делегациясе кичә Мәккәдә “Әл-Хәрәм” мәчете имам-хатыйбы Габдеррахман әс-Судайс белән очрашты. Бу хакта Татарстан мөселманнары Диния нәзарәте матбугат хезмәте хәбәр итә.

Очрашу төн якынлашканда соң гына төгәлләнде. Мөселманнарның иң изге, иң кадерле һәм дөньяның иң зур мәчетләренең башлыгы татарстанлыларны Согуд Гарәбстаны Короле Сәлман ибн Габдел-Газиз Әл Сауд исеменнән сәламләде. Рәсми төстә башланып киткән очрашу бик җылы, ачык һәм эчтәлекле дәвам итте. Дин әһелләре барлык дин кардәшләребезнең, Җир шарының кайсы почмагында яшәвенә карамастан, бердәмлектә һәм теләктәшлектә булырга тиешлеген җиткерде.

Әңгәмә шактый озак вакыт барды. Ул төнлә генә тантаналы кичке аш белән тәмамланды.
 

КӨН ҮЗӘГЕНДӘ

"Мирас" фестивале Яруллиннар династиясен искә ала

Фестивальнең икенче концертында Заһидулла, Фәрит һәм Мирсәет Яруллиннар әсәрләре яңгырый.

Питрәчтә Кәримовлар хуҗалыгында 14 баш эре мөгезле терлек бар

"Сыерларның барысын да сауганда, һәр көнне 200 литр сөт алабыз", - дип сөйләгән хуҗабикә.

Мәскәү салкыннары Татарстанга килә

23-28 февральдә Россия башкаласында уртача температура нормадан 7-12 градуска кимрәк булачак.

"Белем җәүһәрләре" бәйгесенә гаризалар кабул итү башланды

Дөньякүләм бәйгегә "ВКонтакте социаль челтәре җәүһәрләре" дигән яңа номинация өстәлгән.

Казанбаш мәктәбе укучылары агулану буенча тикшерү төгәлләнгән

Арча районында гаеплеләр җәзага тартылган.