Дин

Мәскәүдә мөселман балалары исем кушу турында яңа таныклык алачак

Таныклык китап форматында булачак, анда аерым биттә бала һәм аның әти-әнисе турында мәгълүмат язылачак.
07.02 16:34

(Казан, 7 февраль, “Татар-информ”). Тиздән Мәскәүнең кечкенә мөселманнары исем кушу турында яңа таныклык алачак. Бу хакта Россия Мөфтиләр шурасы матбугат хезмәте хәбәр итә.

Мәскәү мөселманнары Диния нәзарәте исем бирү таныклыгының яңа дизайнын эшләгән. Ул китап форматында булачак. Анда аерым биттә бала һәм аның әти-әнисе турында мәгълүмат языла.

Исем кушу - һәр мөселман тормышында дулкынландыргыч һәм мөһим вакыйга. Бала туу - ул сөенеч, бәхет һәм шул ук вакытта ата-ана өчен зур җаваплылык. Әти-әнисе баланың сәламәтлеге, тәрбиясе турында гына түгел, шәригать кануннарын саклавын да кайгыртырга бурычлы. Шуларның берсе - балага исем сайлау.

Мәскәү мөселманнары Диния нәзарәте әлеге вакыйганы тагын да тантаналырак итәргә карар кылган. Әлеге документ күп еллар дәвамында якты хатирәләр генә саклавын, ә аның хуҗасының әхлаклы һәм гадел мөселман булып үсүенә ышанасы килә.

 

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Мирфатыйх Зәкиев һәм Рүзәл Йосыпов Фәннәр академиясенең алтын медале белән бүләкләнде

Рүзәл Йосыпов Татарстан Республикасы Фәннәр академиясенең алтын медален дәүләт бүләкләренән артык күрүен әйтте.

Соңгы елларда хаҗга яшьләр күбрәк бара башлаган

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.