Авыл

Бөтендөнья татар авылы эшмәкәрләре җыенын үткәрү вакыты һәм урыны билгеләнде

Милли Шура Әлки районы мисалында татар эшмәкәрләрен авылны сакларга өйрәтергә тели.
07.02 15:10

(Казан, 7 февраль, "Татар-информ", Гөлнар Гарифуллина). 1-3 мартта Бөтенроссия татар авыллары эшмәкәрләренең VII җыены узачак. Бүген әлеге чарага әзерлек турында Бөтендөнья татар конгрессы Милли шурасы президиумы утырышында сүз барды. Бу хакта Бөтендөнья татар конгрессы Башкарма комитеты җитәкчесенең беренче урынбасары Данис Шакиров сөйләде.

Ул Росиянең 37 төбәгеннән, Татарстанның һәр районнарыннан кече бизнес вәкилләре һәм фермерлык хуҗалыклары җитәкчеләре - барлыгы 750 ләп кеше җыелачагын әйтте. "Төбәкләрдәге эшмәкәрләрнең теләкләре буенча, катнашучылар саны елдан-ел арта. Быел да бу җыенда пленар утырышта Татарстан Президенты катнашуы көтелә. Җыенда авыл эшмәкәрләрен борчый торган проблемалар күтәрелә. Быелгы җыен программасы проектында дискуссион мәйданчыклар эшләячәк. Аларның үткәрелүе, эчтәлеге дә Бөтенроссия татар авыллары оешмасы җитәкчесе Фәнир Галимов җитәкчелегендә эшләп килә. Һәр җыеннан соң, совет әгъзалары җыелышып үз фикерләрен тәкдим итә. Дискуссион мәйданчыклар шуларга нигезләнеп төзелде. Гаилә фермалары, крестяьн фермер хуҗалыклары, умартачылык, әзер продукцияне эшкәртү һәм сату белән шөгыльләнүчеләргә багышлап, Һәрберсенә кагыла торган бер форматта бергә җыелып, "Россиядәге Татар авылларының социаль икътисади нигезен булдыруда эшмәкәрлекнең роле" дигән сессия узачак", - дип сөйләде Данис Шакиров.

Җыенда катнашучылар Әлки районына сәфәр кылачак.

"Теория гына түгел практик ягы да кирәк. Теләче, Мамадыш районнарында районнарында былтыр булдык. Быел Әлки районына барабыз. Альберт һәм Дамир Шәйхетдиновлар нигезен күрсәтәбез", - диде Данис Шакиров.

КӨН ҮЗӘГЕНДӘ

“Татарча диктант”ны "Татар-информ" сайты аша онлайн язып булачак

Диктант текстын танылган шагыйрә, Татарстанның атказанган сәнгать эшлеклесе Сания Әхмәтҗанова укыячак.

Рөстәм Миңнеханов Татарстанның Финляндия бизнесы һәм капиталы белән кызыксынуын әйтте

Россия һәм Финляндиянең уңышлы компанияләре вәкилләре "Корстон"да үз предприятиеләре потенциалын күрсәтә.

Рөстәм Миңнеханов киләсе елга "Хәвефсез һәм сыйфатлы юллар" проектына керүче шәһәрне атады

Киләсе елга әлеге программага Түбән Кама керәчәк, диде Татарстан Президенты.

Татарстан Президенты Казан–Чаллы юлы турында: Кама аша күпер кебек хыял иде

Рөстәм Миңнеханов Татарстанның юл төзелеше буенча планнары зур һәм алар тормышка ашырылачак, дип ышандырды.

“Татар-информ”да гошер сәдакасын җыю һәм тарату йомгаклары турында сөйләшәчәкләр

Матбугат конференциясендә Татарстанның баш казые Җәлил хәзрәт Фазлыев катнаша.