Фән һәм мәгариф

Казанда Фән көненә багышланган тантаналы чара була

Татарстан Фәннәр академиясендә булачак әлеге чарата галимнәргә дәүләт бүләкләре дә тапшырылачак.
07.02 15:19

(Казан, 7 февраль, “Татар-информ”, Мөршидә Кыямова). Иртәгә, 8 февральдә, Татарстан Фәннәр академиясендә Фән көненә багышланган тантаналы чара оештырыла. Бу хакта “Татар-информ” мәгълүмат агентлыгы хәбәрчесенә Фәннәр академиясенең матбугат хезмәтеннән хәбәр иттеләр.

Россия Фәннәр академиясенә 1724 елның 8 февралендә нигез салына. Россия Президенты Указы белән 1999 елдан башлап әлеге көн Россиядә фән көне буларак билгеләп үтелә. Үзенең фәнни мәктәпләре, дөнья дәрәҗәсендәге галимнәре белән дан тоткан Татарстанда бу көн күпләр өчен һөнәри бәйрәм санала.

Фән көне уңаеннан, 8 февраль көнне Татарстан Фәннәр академиясенең Зур залында (Казан, Бауман ур., 20) тантаналы чара уздырыла. Тантана Татарстан Премьер министр урынбасары, Татарстанның Мәгариф һәм фән министры Рафис Борһановның котлавы белән башланып китәчәк.

Бәйрәм барышында танылган галимнәр, фән өлкәсендә уңыш казанган нәселләрне тәбрикләүләр оештырылачак һәм дәүләт бүләкләре тапшырылачак.
 

КӨН ҮЗӘГЕНДӘ

Рәмис Аймәтнең ноталы җыр китабы басылып чыкты

Басмага шагыйрьнең йөздән артык җыры кергән.

Р.Миңнеханов санитар зоналар буенча кагыйдәләр турында: Каш ясыйм дип, күз чыгару кебек бу

Президент эшмәкәрләргә, санитар зоналар турында яңа кагыйдәләргә үзгәрешләр кертү турында федераль Хөкүмәткә хат юлларга вәгъдә бирде.

Рөстәм Миңнеханов эшмәкәрләргә битараф җитәкчеләрне ярты ел кабул итмәү белән янады

Татарстан Президенты түрәләрнең эшмәкәрләр белән сөйләшергә өйрәнергә тиешлеген әйтте.

Минтимер Шәймиев Зөя утрау-шәһәрчегендә Агач археологиясе музеен карады

Минтимер Шәймиев Археология институты хезмәткәрләрен Россия археологларының рәсми булмаган һөнәри бәйрәмнәре белән котлады.

Камил хәзрәт Сәмигуллин Мәккәдә Татарстан хаҗилары белән очрашты

Мөфти вәгазь сөйләде һәм булачак хаҗилар сорауларына җавап бирде.