Татар дөньясы

Уфада Наҗар Нәҗми исемендәге аллея һәм һәйкәл булдырырга ниятлиләр

Шагыйрьнең "Уфа юкәләре" җыры хөрмәтенә булачак аллеяда юкәләр утыртуны планлаштыралар.
08.02 08:49

(Уфа, 8 февраль, "Татар-информ", Миләүшә Латыйпова). Уфада Башкортстанның халык шагыйре Наҗар Нәҗми исемендәге аллея һәм һәйкәл булдырырыга ниятлиләр. Бу хакта Уфа мэры Ирек Ялалов шәһәр хакимиятендәге киңәшмә вакытында әйтте.

"60-70-80 нче елда иҗат ителгән күпчелек популяр җырларның авторы нәкъ менә бөек шагыйрь Наҗар Нәҗми. Минемчә, аның киң танылу тапкан җырларының берсе - күренекле композитор Рим Хәсәнов белән берлектә иҗат ителгән "Уфа юкәләре" композициясе. Шуңа күрә булачак аллеяда юкә агачлары үстерүне күзаллыйм. Шулай ук билгеле башкорт шагыйренең һәйкәлен дә аллеяның эчендә урнаштыруны дөрес булыр дип саныйм", - диде ул.

Уфада Наҗар Нәҗми исемендәге аллеяны булдыру фикерен Башкортстан хөкүмәтенең вице-премьеры Салават Сәгыйтов та хуплады. Әлеге вакытта Башкортстанда шагыйрьнең 100 еллыгына багышланган чаралар уздырыла. 

Наҗар Нәҗми (Хәбибнаҗар Нәҗметдин улы Нәҗметдинов) (1918-1999) - Башкортстанның халык шагыйре. Башкортстанның Миңеште авылында (хәзер Дүртөйле районы) туа. Бөек Ватан сугышында катнаша. Башкортстандагы газета-журналларда эшли, Язучылар берлеге рәисе була. Пьесалар, шигырьләр иҗат итә. 1950 елда беренче җыентыгы басылып чыга. Бик күп популяр җырлар - шул исәптән, "Кышкы романс", "Өфе юкәләре", "Телефоннар шалтырыйлар", "Берәүнең берәвенә", "Юкка түгел, юкка түгелдер" һ.б.

КӨН ҮЗӘГЕНДӘ

Татарстан Президенты һәм Тунис Премьер-министры хезмәттәшлек турында сөйләшәчәк

Рөстәм Миңнеханов кыска вакытлы эш сәфәре белән Туниска килде.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Татарстан Президенты җырчы Ландыш Нигъмәтҗановага мактаулы исем бирде

Җырчы яраткан тыңлаучыларына, «Барс-Медиа» компаниясенә, Хөкүмәт җитәкчелегенә рәхмәт әйтә.

Данил Салихов "Фидакарь хезмәт өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына