Рәсми Татарстан

Равил Кузюровны Урман хуҗалыгы министрлыгы коллективына тәкъдим иттеләр

Яңа министр үзенә күрсәтелгән ышаныч өчен рәхмәт белдерде.
08.02 11:41

(Казан, 8 февраль, «Татар-информ»). Татарстан Премьер-министры Алексей Песошин Равил Кузюровны Татарстан Урман хуҗалыгы министрлыгы коллективына тәкъдим итте. Бу хакта Татарстан Президентының матбугат хезмәте хәбәр итә.

Республика Хөкүмәте башлыгы яңа министрның моңа кадәр күп урыннарда эшләвен билгеләп үтте һәм аны «яхшы оештыручы, нәтиҗәле җитәкче» буларак сыйфатлады.

Премьер сүзләренчә, Кузюров алдында урман хуҗалыгы тармагындагы инновацион юнәлешләрне үстерү өчен федераль акча җәлеп итү, урман кишәрлекләренең чикләрен кадастр исәбенә кую, урман фонды һәм башка категорияләргә кергән җирләр арасындагы каршылыкларны бетерү, урман хуҗалыгында кече һәм урта бизнесны үстерү, тармакны кадрлар белән тәэмин итү һ.б. юнәлешләрдә эш алып бару бурычы тора.

Песошин Татарстан җитәкчелеге министрлык алдына куелган бурычларны хәл итүдә ведомствога һәрвакыт ярдәм күрсәтүен һәм бу эшне киләчәктә дә дәвам итәчәген искәртте. Шулай ук Кузюров җитәкчелегендәге министрлыкның урман комплексын инновацион һәм икътисади яктан нәтиҗәле итәчәгенә ышаныч белдерде.

Равил Кузюров исә үзенә күрсәтелгән ышаныч өчен рәхмәт белдерде.

Бүген Татарстан Президенты Указы белән төбәктә яңа урман хуҗалыгы министры билгеләнде. Әлеге вазифаны 2014 елдан бирле биләгән Алмас Нәзиров гыйнварда үз теләге белән эшеннән китте.
 

КӨН ҮЗӘГЕНДӘ

25 майның төп вакыйгалары - фото һәм сылтамалар

Петербург форумы куелган бурычларны үтәде, туган телләрне укыту турындагы закон проекты буенча аңлашу бар, Казан Чемпионатка әзерләнә.

КФУның “Мизгел” яшьләр театры актерларга кастинг игълан итә

Кастинг Филология һәм мәдәниятара багланышлар институты бинасында узачак.

Т.Миңнуллина: Петербург халыкара икътисадый форумында "биш"кә эшләдек

Форумның иң мөһим нәтиҗәләренең берсе – ”КАМАЗ” белән 46,5 млрд сумлык килешү һәм Түбән Камада яңа олефин комплексын финанслау.

Татарстанның мордва милли җәмгыяте рәисе: Телләрне ихтыяри укыту милләтләрне юк итәчәк

Һәр милләткә туган телендә укырга мөмкинлек бирергә кирәк, дип саный Наталья Сабитова.

Россиядә туган телләргә ярдәм итүче федераль фонд төзелергә мөмкин – Илдар Гыйльметдинов

Бүген Россиянең мәгариф системасында өйрәнелә торган 30 телнең җидесендә генә дәреслекләр бар, дип белдерде депутат.