Мәдәният, Татар дөньясы

Фәрит Гыйбатдинов фольклорны үстерүгә йөз тоткан яңа проект әзерли

“Бу проект фольклорга мөнәсәбәтне үзгәртәчәк”, - ди Чувашстан Республикасы татарларының милли-мәдәни автономиясе советы рәисе.
08.02 13:47

(Казан, 8 февраль, “Татар-информ”, Гөлнар Гарифуллина). Чувашстан Республикасы татарларының милли-мәдәни автономиясе советы рәисе Фәрит Гыйбатдинов милли фольклорны үстерү максатыннан бер проект әзерли. Бу хакта ул Бөтендөнья татар конгрессы Милли шурасы президиумы утырышында әйтеп үтте.

Ул утырышта фольклор дөньясындагы проблемаларга тукталып, татарларның төрле этносларында фольклор югалып баруын билгеләп узды. Бу нисбәттән, үзенең бер гамәли нияте белән уртаклашты. “Мишәр, керәшеннәр һәм башкаларның борынгы милли җыр-биюләрен кертеп, думбра, тальян һәм башка уен кораллары белән фольклор проект төзисем килә. Анда олылар да һәм балалар сәнгать мәктәпләреннән балалар да катнашыр дип ниятләнә”, - диде Фәрит Гыйбатдинов.

Проектка әзерлек кысаларында, ул Чувашстанда сәнгать мәктәбендә укулар узачагын, бу мәсьәләнең Мәдәният министрлыгы белән килештерелгәнен билгеләп үтте. “Шушы думбраларда уйнарга өйрәнү өчен практик дәресләр үткәреләчәк. Бу проектта җирле мишәрләр, Шыгырдан ансамбльләре һәм башкаларны катнаштырырга җыенабыз. Бу үзенә күрә, башка төбәкләр белән чагыштырганда, ачыш та булыр иде, үзенчәлекне дә күрсәтер иде. Гомумән, фольклорга мөнәсәбәтне үзгәртәчәк. Әмма моны башкарып чыгу өчен акча кирәк”, - дип, Фәрит Гыйбатдинов Милли шурадан да теләктәшлек һәм ярдәм сорады.

 

КӨН ҮЗӘГЕНДӘ

Татарстан Президенты һәм Тунис Премьер-министры хезмәттәшлек турында сөйләшәчәк

Рөстәм Миңнеханов кыска вакытлы эш сәфәре белән Туниска килде.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Татарстан Президенты җырчы Ландыш Нигъмәтҗановага мактаулы исем бирде

Җырчы яраткан тыңлаучыларына, «Барс-Медиа» компаниясенә, Хөкүмәт җитәкчелегенә рәхмәт әйтә.

Данил Салихов "Фидакарь хезмәт өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына