Фән һәм мәгариф

Рафис Борһанов татарстанлыларны Россия фәне көне белән котлады

Без вакыт, буыннар һәм фәнни традицияләр арасындагы бәйләнеш алга таба да дәвам итсен өчен барысын да эшлибез, ди ТР мәгариф һәм фән министры.
08.02 14:09

(Казан, 8 февраль, «Татар-информ»). Татарстан мәгариф һәм фән министры Рафис Борһанов татарстанлыларны Россия фәне көне белән котлады.

«Хөрмәтле галимнәр, фәнни хезмәткәрләр, укытучылар, аспирантлар һәм студентлар, хезмәттәшләр! Татарстан Мәгариф һәм фән министрлыгы коллективы һәм шәхсән үз исемемнән республикада яшәүче барлык галимнәрне һөнәри бәйрәмнәре – Россия фәне көне белән тәбрик итәм», - диелә вице-премьерның министрлык сайтында дөнья күргән котлавында.

Хәзерге вакытта республика территориясендә 110нан артык фәнни оешма эшли, дип искәртә Рафис Борһанов. Республикада өзлексез рәвештә дәүләт фәнни-техник сәясәтен камилләштерү процессы дәвам итә, ди ул.

Аның фикеренчә, фәнни казанышлары өчен аерым галимнәр һәм тикшеренү коллективларын матди яктан кызыксындыру - фәнни эшчәнлекне стимуллаштыру механизмнарының берсе.

«2017 ел Е.К.Завойский, А.Е.Арбузов, А.Н.Туполев исемендәге дәрәҗәле премияләр тапшырылу белән истәлекле. Н.И.Лобачевский исемендәге халыкара премиянең беренче лауреатын бүләкләү тантанасы булды. М.И.Мәхмүтов исемендәге дәүләт премиясе булдырылды», - диде вице-премьер.

«Хөрмәтле коллегалар, дуслар! Без галимнәребез белән горурланабыз һәм вакыт, буыннар һәм фәнни традицияләр арасындагы бәйләнеш алга таба да дәвам итсен өчен барысын да эшлибез. Шунлыктан чын күңелемнән фәнни тикшеренүләр белән шөгыльләнүчеләрнең һәммәсенә дә яңадан-яңа иҗади уңышлар, үзегезгә һәм гаиләләрегезгә сәламәтлек, иминлек телим!» - дип сүзен йомгаклады ТР мәгариф һәм фән министры. 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.

Татар галимнәре Габдулла Тукай тәнкыйтьләгән шәхесләргә гадел бәя биргән

Без Тукайны “соңгы инстанциядәге хакыйкать” буларак кабул итәргә күнеккән, ди Татарстан Фәннәр академиясе хезмәткәре Марсель Ибраһимов.

Татарстан Дәүләт Советы Рәисе Әлмәт районында яңартылган Мәдәният йорты ачты

Фәрит Мөхәммәтшин клуб эшчәнлеге белән танышты, Мәдәният йортына Татарстан Президентыннан бүләк - Сертификат тапшырды.