Икътисад

«Салават күпере» комплексының икенче чираты декабрьдә тапшырылырга тиеш

Бүген бер генә генераль подрядчының да финанслар белән бәйле проблемалары юк, ди Татарстанның төзелеш министры урынбасары.
08.02 15:01

(Казан, 8 февраль, «Татар-информ», Егор Никитин). «Салават күпере» торак комплексының икенче чиратына кергән 11 йортны төзү һәм файдалануга тапшыру эшләре быелның декабрендә төгәлләнергә тиеш. Төзелеш генераль подрядчыларының моның өчен кирәкле бөтен ресурслары да бар, ди ТР төзелеш, архитектура һәм ТКХ министры урынбасары Илшат Гыймаев.

«Быел «Салават күпере» микрорайонының икенче чиратына кергән 11 йортта да төзелеш эшләрен тәмамлау бурычы тора. 2018 елның декабренә кадәр әлеге йортларның барысын да төзеп файдалануга тапшыру бурычы куелган», - дип белдерде ул.

Министр урынбсары искәрткәнчә, хәзерге вакытта ут баганалары урнаштырыла, әйләнеп үтә торган юллар төзелә һ.б. эшләр башкарыла.

«Бүген бер генә генераль подрядчының да финанслар белән бәйле проблемалары юк. Эш шунда гына: алар бу акчаларны үзләштереп бетерергә тиеш», - дип искәртте Илшат Гыймаев. 

КӨН ҮЗӘГЕНДӘ

19 - 25 февраль көннәренә Татарстанның мәдәни афишасы

Бүген “Татар-информ” Ренат Таҗетдиновның юбилей кичәсен онлайн күрсәтә.

#атнабай флешмобына Лилия Муллагалиева кушылды

Җырчы Әнгам Атнабаевның "Очрашкан юк" шигырен укый.

Рөстәм Миңнеханов Пхёнчхандагы Олимпиадада уңышка өлеш кертүчеләрне котлады

Президент республика халкы һәм шәхсән үз исеменнән спортчы Андрей Ларьковка, аның беренче тренеры Владимир Махаловка уңышлар теләде.

Туган телдә башкарылган җыр конкурсында Айдар Сөләйманов Гран-при алды

«Биир күн» («Под одним солнцем») – I төбәкара интерактив заманча җыр конкурсы Якутиядә уздырыла.

Татарстан һәм Башкортстан журналистларына ТӨРКСОЙ премиясе тапшырылды

Төркиянең Кастамону шәһәрендә Казахстан шагыйре Магҗан Җомабаев елы ачылышы узды.