Мәдәният, Татар дөньясы

“Яз гүзәле – 2018” югары уку йортлары конкурсының сайлап алу турына гаризалар кабул ителә

Катнашучы үзе турында сөйли, жюри белән аралаша һәм алдан әзерләп килгән вокал, хореография һәм башка сәнгать номерын күрсәтәчәк.
08.02 19:02

(Казан, 8 февраль, “Татар-информ”, Алмаз Шиһабетдинов). Казанда унынчы “Яз гүзәле – 2018” югары уку йортлары арасындагы конкурска гаризалар кабул итү башланды. Бу хакта “Татар-информ” хәбәрчесенә “Яз гүзәле” проекты җитәкчесе Алия Касыймова хәбәр итте.

“Без кызларның гаризаларын 14 февральгә кадәр кабул итәбез, шуннан соң сайлап алу туры үткәрәбез. Бу турда жюри 10 кызны сайлап ала. Кызлар финалга үтеп, әзерләнә башлыйлар. Быел безнең юбилей елы, яңа сәхнәгә чыгабыз. Конкурсның максаты - инде икенче ел катнашучыларга яңа белемнәр бирү”, - дип сөйләде Алия Касыймова.

Сайлап алу турында катнашучы кыз үзе турында сөйләячәк, жюри белән аралашачак һәм алдан әзерләп килгән вокал, хореография һәм башка сәнгать номерын күрсәтәчәк. Бу этаплар “Үз-үзеңне күрсәтү”, “Аш-су”, “Интеллект”, “Милли кием” һәм “Иҗат” конкурсларын үз эченә ала.

Конкурста катнашучыларга таләпләр:
- татар телен яхшы белү;
- сөйләм культурасы;
- зирәклек;
- грация һәм хәрәкәт пластикасы.

Чара Казан дәүләт энергетика университеты, Университетның студентлары һәм аспирантларының беренчел профсоюз оешмасы, тулай торак студентлар советы һәм “Идел” яшьләр үзәге ярдәмендә оештырыла.

Гаризаларны кабул итү 14 февральгә кадәр дәвам итәчәк. Конкурсның финал туры быел 6 мартта “Ак Барс” яшьләр үзәгендә узачак. Финалда татар һәм рус телләрендә сәхнәләштерелгән конкурс күренеше булуы көтелә. 

"Татар-информ" былтыр Гүзәл Габбасова - "Яз гүзәле" бәйгесе җиңүчесе булды, дип хәбәр иткән иде.

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.

Татар галимнәре Габдулла Тукай тәнкыйтьләгән шәхесләргә гадел бәя биргән

Без Тукайны “соңгы инстанциядәге хакыйкать” буларак кабул итәргә күнеккән, ди Татарстан Фәннәр академиясе хезмәткәре Марсель Ибраһимов.

Татарстан Дәүләт Советы Рәисе Әлмәт районында яңартылган Мәдәният йорты ачты

Фәрит Мөхәммәтшин клуб эшчәнлеге белән танышты, Мәдәният йортына Татарстан Президентыннан бүләк - Сертификат тапшырды.