Хәвеф-хәтәр

Түбән Камада кеше урлаучыларны тоткарлаганнар

Җинаятьчеләр корбаннарыннан 100 мең сум акча таләп иткән.
08.02 20:21

(Казан, 8 февраль, “Татар-информ”). Түбән Камада росгвардиячеләр кеше урлауда һәм янап акча таләп итүдә шикләнелүче ике ир-атны тоткарлаган. Бу хакта “Татар-информ”га Татарстан Росгвардия матбугат хезмәтеннән хәбәр иттеләр.

Билгеле булганча, 6 февраль көнне кич Түбән Камада җинаятьчеләр тулай торакларның берсеннән ерак түгел урыннан уналты һәм егерме яшьлек егетләрне машинага утыртып, урман ягына алып киткән. Егетләргә пычак белән янап, алардан 100 мең сум акча таләп иткәннәр. Шул вакытта гына азат итәчәкләрен әйткәннәр. Түзәрлеге калмагач, егетләрнең берсе 23 яшьлек кыз туганына шалтыратып, акча сораган. Кыз акча бирергә ризалашкан, әмма нидер булуын сизенеп, полициягә хәбәр иткән.

Акча бирү урыны билгеләнгән. Җинаятьчеләр автомобиле бу урынга килгәндә, полиция хезмәткәрләре аларны көтеп торган.

Тоткарланучыларның берсенә 20 яшь. Ул Шенгәлче авылыннан булып чыккан. Икенчесе, Түбән Камадан, аңа 19 яшь.

Аларның икесенә дә Җинаять кодексының ике маддәсе – “Кеше урлау” һәм “Янап акча таләп итү” буенча гаепләү белдерелгән.

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Мирфатыйх Зәкиев һәм Рүзәл Йосыпов Фәннәр академиясенең алтын медале белән бүләкләнде

Рүзәл Йосыпов Татарстан Республикасы Фәннәр академиясенең алтын медален дәүләт бүләкләренән артык күрүен әйтте.

Соңгы елларда хаҗга яшьләр күбрәк бара башлаган

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.